Kerling í koti sínu

óhappa-kerla fær sér permanett

2008-04-26T04:51:00.001-07:00

"ég blogga. þess vegna er ég" á EKKI við mig....er að blogga svona á mánaðarfresti. dúbbídúú...

míns er loksins komin með krullur eftir erfiða viðureign hárgreiðslukonu við sléttu hárlufsurnar, en eiturefnin sigruðu að lokum! Nú vakna ég á morgnana ennþá villtari og úfnari en áður, með lokka sem líta út fyrir að vera úr einhvers konar vír, gasalega ánægð að vera ekki slétt og feld.

jamm, ýmislegt leggur nú maður á sig fyrir lúkkið!

Ég lenti í glæfralegu atviki um daginn sem tengist að einhverju leiti þessum lokkum.

Um daginn var ég að gera mér sjeik í blandaranum mínum sem er ekki í frásögur færandi nema að ég þurfti oggóponsu að ýta með gafflinum ofan í til að frosnu bláberin færu í hakk..........úbbbs heilasellurnar voru ennþá ekki komnar í lag eftir permanett eiturefnablönduna góðu.....EEEn allavega þá fer ég aðeins og neðarlega í blandarann og beint með gafflinn í hakkarann og PLAFFFFFSPLAFFFKLAFFFP'UFFF og SLURRRRPPPPPPPPPPSPLASSSSSSSSS

ég stóð á gólfinu, ennþá í heilu lagi samt, allt eldhúsið var orðið berjablátt, loftið og gólfið, bara ALLT og auðvitað hún gáfaða ég líka! var fjólublá í heilan dag en samt fegin að eiga alla fingur ennþá á höndinni minni hjúkketttt!!! Hefði nú ekki verið gaman að fá eitt stykki putta í berjasjeikinn minn ummmmmmm...en haldið ykkur nú fast!! Það var samt nóg ofan í blandaranum af sjeik í eitt lítið glas og drakk ég hann í geðshræringu yfir heimsku minni og fljótfærni, bláberjablá að utan sem og innan þreíf ég svo eldhúsið og lofaði sjálfri mér að verða aldrei kokkur eða eitthvað annað sem kemur nálægt eldhústækjum.

...En auðvitað var þetta allt saman permanettinu að kenna sko!!!! heeehe...

orð

2008-04-01T03:06:00.000-07:00

ég lét mig fljóta í öldugangi orða þinna

smakkaði á söltu bragði þeirra

lakkaði á mér táneglurnar með yfirlýsingum þínum

dansaði tangó við svörin þín

hámaði gráðug í mig lýsingarorðin

ældi viljandi yfir sagnorðin

skyrpti yfir atviksorð

slóst fagmannlega við nafnorðin

lá örmagna við spurningamerki

yfirbuguð settist ég orðlaus ofan á punkt.

krossgötublús

2008-03-08T03:54:00.000-08:00

Hvað á maður að gera þegar maður er hættur að gera það sem maður var vanur að gera og langar að fara að gera eitthvað annað en maður var vanur að gera?
hmmmmm....

Júbb ég er hætt í listaháskólanum, hætt í klassíkinni eftir 6-7 ára viðveru á þeim slóðum. Syng núna í lausu lofti, allskyns lög sem eiga ekkert skylt við óperu Þvílíkt guðlast!!!

En aldrei hef ég fundið mig algjörlega í þessum klassíska heimi, mér hefur lífsins ómögulega tekist að standa kyrr þegar ég syng, þess vegna var ég ein af þeim söngkonum sem hélt mér eins ég ætti lífið að leysa í píanóið allan tímann, fékk einhverja jarðtengingu var mér sagt! Svo hef ég aldrei getað lært tónfræði og hljómfræði þrátt fyrir miklar viðreyningar! Hlustaði t.a.m aldrei á óperur eða annað klassískt, allt annað var í mínum eyrum, uuuu vissi ekkert í minn klassíska haus um klassík. Ég elskaði bara að syngja....that´s it....Stundum held ég að við séum að flækja frekar einfaldan hlut, að syngja og leyfa sér að fara á flug með þessu fyrirbæri sem er röddin! Stundum held ég líka að of mikið nám getir að einhverju leiti drepið ástríðuna....nú eru einhverjir algjörlega ósammála mér og ég verð líka stundum ósammála mér....en samt var reynslan mín þannig, ég þurfti að hætta í náminu til að geta fundist gaman að syngja aftur....þurfti að fylgja hjartanu og þindinni....núna syng ég af innri þörf en ekki af því að ég þarf þess....en mun kannski ekkert komast útúr sturtunni með það.....

Samt er voða gott og nausynlegt að standa svona á krossgötunni og mæna í allar áttir eins og fífl, standa bara aðeins á rauðu ljósi......verst að það er enginn þarna sem hjálpar mér að fara yfir, enginn sem bendir í austur, vestur, á þann sem að þér þykir bestur? myndi líka vera fljót að hella mér yfir hann og senda hann norður og niður, því miður!

Ég er í dramatísku skapi, með dramatíska tölvu sem breimar eins og köttur í kjöltunni minni. Er samt ekki dramatískur sópran, eins furðulegt og það hljómar því ég er dramatísk stúlka. Ég er coleratur, sem er hæsta sópranröddin, fer upp og niður, hratt og létt. En kannski þarf ég bara að klippa í burtu alla merkimiða og byrja uppá nýtt? Finna sér nýja skúffu til að troða sér í og athuga hvað gerist svo? Gerast skúffusöngkona með fjaðrir í hárinu? Breyta mér í gellu og fara í poppbransann? djassgeggjari? enn eitt krúttið? svo er það alltaf í stöðunni á íslandi að gerast bakraddasöngkona og lauma sér svo eins og músin inní bransann? Brúðkaups og jarðafarasöngkona? Er nú þegar svona "syng í veislum hjá allri fjölskyldunni þangað til allir eru búnir að fá ógeð af mér" söngkona.Hef alltaf fílað Tom Waits, gæti tekið upp plötu með lögum hans í breyttri, klassískri útgáfu og fengið alla "elítuna" á móti mér og yrði gerð útlæg úr tónlistarheiminum forever eins og idolkrakki? gæti herjað á "djók-markaðinn" og tekið Geir Ólafs á þetta?

hummmm...svo margir spennandi og hressandi kostir!!

En þangað til ætla ég að syngja í sturtunni......

kerla fer í herþjálfun

2008-01-03T01:02:00.000-08:00

....Það er margt í mörgu....

Ég er nýkomin úr "herþjálfuninni" eða svokallað boot-camp. Þarna mæti ég hálf skjálfandi á beinunum yfir þessu, hugsaði með sjálfri mér "Kristín það er ekki of seint að snúa við áður en það verður of seint". hmmmm. Það fyrsta sem ég sá var hópur fólks sem blasti við þegar ég opnaði dyrnar og þetta fólk leit út fyrir að vera sárþjáð, svitinn lak af í tonnavís og þjálfararnir gnæfðu yfir þeim eins og hrægammar öskrandi 50 armbeygur! Femmmteiiigju ammbeigjööör, sjísús ég tel mig heppna ef næ 1/5 úr armbeygju. En nú er ég komin að afgreiðsluborðinu og ég rétti út 14.000 kallinn í leiðslu, ég held að ég hljóti að vera masókisti, það bara hlýtur að vera! Dagmar er hvergi í sjónmáli og ég hringi í hana skelkuð, plísss koddu koddu! Ég er orðin of sein í tímann því þegar ég lufsast með skömmustuleg aukakílóin mín niður stigann mætir mér þjálfari, sem er nú reyndar voða almennilegur og ég öðlast aftur trúnna á þjálfarakynið. Byrjaðu að hita upp í þessu tæki! Ég sest stressuð og byrja að hífa eitthvað tól að mér og sé allt í móðu, það er fullt af fólki í salnum að hoppa og þess á milli hendir það sér á gólfið og gerir magaæfingar,armbeygjur,froskahopp og handahlaup allt í einu að mér virðist.

En nú er komið að mér að taka þátt í þessum sirkus...jeij érrr að hoppa og allt í góðu mar, hehe ég er nú bara í þrusuformi og jess þetta er svona grenningarspegill! jæja svo pörum við okkur saman og greyjið konan sem lenti með mér. Við áttum að skiptast á að HLAUPA upp og niður stiga, meðan hin gerði þartilgerð hopp, fyrsta hollið gekk nú alveg bærilega, en kerla var ekki lengi í paradís því ég þurfti að ÆLA! Og á meðan þurfti konan að gera endalaus hopp.

.....Jessörrí þjóðsagan er sönn, fólk ælir í boot camp! Eða allavega ég...og ekki nóg með að ég ældi einu sinni því þegar við vorum að gera saklausar teygjur þá hvítnaði mín og þurfti að hlaupa á klóið til að æla aftur.....

Fyrir ykkur sem eruð að lesa þetta þá mæli ég eindregið með Boot-camp þrátt fyrir hryllingssöguna hér að ofan. Ég held að þetta sé nákvæmlega það sem ég þarf til að komast í form! Og þetta er góð áskorun, ég hef sett mér markmið fyrir næsta tíma "reyna að komast í gegnum tímann án þess að æla".

græn maurætupiparkaka,fiðurkollur í sundi og tannleysi

2007-12-13T05:21:00.000-08:00

Sat í bleika prinsessuherberginu áðan, í turnherberginu góða, nýbúin að skreyta piparkökur, með græna maurætupiparköku í poka handa Þórði sem var bytheway það dolfallinn yfir listrænum hæfileikum mínum að hann át vesalinginn fljótt, snöggt, engar þjáningar, piparkökudrengir og stúlkur um allan heim hefðu ekki getað endal líf sitt hraðar og betur.

Ég er byrjuð að vinna í fríinu mínu, á gamla staðnum mínum á Hrafnistu, endurhæfingadeild. Held það sé ekki betri leið til að komast í jólaskap en að skottast um með gamlar fiðurkollur og kalla, spjallandi um gömlu jólin við vitur fólk sem man tímanna tvenna ef ekki þrenna!
já það er alveg yndislegt að vera þarna. Svo ætla ég að syngja í jólasundinu næsta mánudag. Þá verður jólastund í sundlauginni, presturinn og fólkið á bakkanum, sundgellurnar í lauginni að sýna fimi sína, ég þarna eitthvað að reyna að vera dívuleg við kvennaklefan og malt og appelsínið fllæðir, konfekt og kroppasýning. Er ennþá að velta jólalögunum fyrir mér, ætla að syngja þrjú lög, get bara ekki ákveðið mig!

Ef þið hafið hugmyndir að jólalögum sem gæti verið sneddí að syngja á sundlaugarbakka þá endilega spill it át...

Mig dreymdi í nótt að ég missti úr mér tennurnar ég hélt á þeim í lófanum því ég ætlaði að setja þær uppí mig seinna. Síðan kom Páll Óskar inní þetta einhverveginn, man ekki hvað hann var að gera en ég var allavega tannlaus!

.........Steikt,steiktari,steiktust..........

Kveðja

2007-11-02T18:25:00.001-07:00

Ég stóð í fimm ára gömlum sporum, með fimm ára gamlar minningar í hausnum horfði ég inn um dyrnar og kvaddi. Ég stóðst reyndar ekki mátið að gægjast innum gluggann á leið minni út í fyrsta stjörnubjarta vetrarkvöldið. Allar stjörnurnar á himninum virtust reyna af öllum mætti að gægjast með mér en ég sagði bara hingað og ekki lengra, þetta er minn fortíðargluggi.

Þarna sá ég mig liggja við hliðina á þér, fullkomlega ómeðvitaða um okkar samfléttaða farveg starði ég í augun þín og þú í mín, Harold and Maude í bakgrunni, hálfétin pizza á borðinu, ég með símanúmerið þitt í vasanum og bókina sem þú gafst mér, þú horfðir á mig eins og ég mætti ekki fara, því ég var brothætt og gæti þess vegna splúndrast í þúsund trilljón glerbrot yfir gjörvalla Norðurmýrina og hjarta þitt. En ég kom aftur og í fimm ár kúrðum við saman í holu sem var hlý og lítil og við uxum saman eins og rætur, rændum stundum sólinni og hlóum og héldum okkur fast í hvort annað þegar myrkrið reyndi að hrifsa og grípa.

Ég stóð þarna kulin fyrir utan gluggann, með skúringamoppu í einni og skítuga tusku í hinni, þú reyktir þína síðustu sígarettu í "koníakforstofunni" og ég gat ekki hætt að gægjast. Einhver óljós söknuður greip mig heljartaki, það var eins og ég væri að kveðja gamlan vin sem væri á leiðinni til útlanda í óákveðinn tíma, þú veist að þið mynduð vera í sambandi en það yrði aldrei aftur eins.

Grár köttur sem átti það stundum til að kíkja í heimsókn inn um gluggana mjakaði sér nær mér í myrkrinu og gott ef hann var ekki glottandi á svipinn, en hann var reyndar hálf umkomulaus greyjið og stóð við hliðina á mér með spurn í augum og ég spurði hann hvort hann ætti eftir að sakna mín, en þá sá hann hvíta læðu uppí tré og hunsaði mig, enda mundi hann eftir "stóra harðfiskmálinu".

Eigum við ekki að drífa okkur heim? sagðir þú og ég horfði uppí himininn á blikkandi stjörnur sem vildu gægjast og bauð þeim að ganga í bæinn.

betri er ein kúla í vasa en þrjár á haus

2007-10-25T07:16:00.000-07:00

Ég sit undir súð í nýju íbúðinni minni og drekk kaffi úr nýju kaffivélinni minni! Já ég er flutt á Kirkjuteiginn og erum búin að koma okkur vel fyrir hér, hérna er hægt að stand upp og taka fleiri en eitt dansspor, hérna er líka hægt að skunda uppí ris og lesa eða dútla sér. Eldhúsið er bara rosalega stórt miðað við það sem ég á að venjast, það er meira segja hægt að snúa sér við án þess að reka sig í skáphurð og skáparnir eru svo stórir að meðalstór dvergur gæti hæglega falið sig þar (ef hann vildi) fæ nú sjaldan dverga í heimsókn samt. Fékk börn um daginn og þau fíluð sig í bleika prinsessuherberginu og þá sérstaklega að láta læsa sig inni!

Ég er aftur á móti öll í kúlum á hausnum því ég er alltaf að slá honum utan í súðirnar, aðallega þar sem ég set sjónvarpið í samband og er alltaf jafn hissa þegar þetta gerist, ég er ein af þeim sem læri illa af mistökum, kannski þyrfti ég að einangra íbúðina með einhverju mjúku?

Svo verður innflutningspartý einhvern tímann í nóvember og þá vonast ég til að sjá sem flesta en ég læt vita hvenær það verður.

Kveðja Kristín kúluhaus ;)

..hring eftir hring eins og fjöllin sem mig umvöfðu..

2007-10-07T04:55:00.000-07:00

þá er ég nýkomin frá Ísafirði, var þar á vegum lhi á námskeiði sem stóð frá mánudegi til föstudags! Þetta var bara frábær ferð, við vorum um 20 manns, öll á fyrsta ári í tónlistardeildinni. Fengum eitt stykki gistiheimili undir okkur og gátum flippað eins og við vildum. Skemmtileg minning frá fyrsta kvöldinu þar sem allir drógu fram hljóðfærin sín og sátu í stofunni og spunnu saman. Það var svoldið skrýtið fyrst að geta ekki dregið fram hljóðfærið sitt, stillt það og byrjað að spila útí bláinn, röddin er svona aðeins öðruvísi hljóðfæri og ég fann það fljótlega að ég ætti bara að láta vaða með mín hljóð, fannst fyrst eins og það væri ekki að gera sig en svo bara hætti ég að hugsa og fór að leika mér með hljóðfærið mitt, kannski aðeins of mikið því ég er hálf raddlaus núna hehe.

Við þurftum að vakna snemma til að mæta á námskeiðið og kennararnir okkar, Sigrún og Paul, byrjuðu á því að hita okkur upp með allskyns rythma æfingum og klöppum og hljóðum. Síðan var planið að semja tónverk sem við síðan fluttum í lokin ásamt hópi af krökkum úr tónlistarskóla ísafjarðar. Þetta gekk nú svona upp og ofan þar sem þetta var asni fjörugur hópur og sumir vöktu lengur en aðrir að djamma og dansa, löggan á ísafirði fékk allavega að vinna aðeins fyrir kaupinu sínu því hún kíkti víst í heimsókn á hverju kvöldi! En þetta var nú samt allt í góðu, allir bara í fíling.

Það var alveg yndislegt að fara á æskuslóðirnar og hlaða batteríin,
ilmurinn úr gamla bakaríinu!

Björnsbúðin hennar ömmu brosti á móti mér og hvíslaði að mér gömlum minningum,

Ég fann bananalyktina góðu úr Björnsbúðinni á meðan ég horfði nostalgígjulega á fjöllin.
Ohh þessi fjöll!!

Og þegar ég söng á svölunum milli fjallana fyrir ömmu og bara fyrir ömmu þá fannst mér ég hafa lokað hringnum. Æskuhringnum.

Og Þegar ég sagði við afa hvað mér þætti vænt um hann og knúsaði hann jafnvel þótt hann gleymdi því jafnóðum hvað ég sagði þá fannst mér ég vera komin aftur á stað sem mun ávallt vera hluti af mér, ég heyri mig segja "mér þykir svo vænt um þig afi minn" aftur og aftur og aftur jafnvel þó hann gleymi því jafnóðum er ég búin að loka hringnum og nú mun þessi ást og orka snúast hring eftir hring eins og fjöllin sem mig umvöfðu.

Hamingja og húsnæðismál :)

2007-09-21T08:11:00.000-07:00

Við erum rétt í þessu að fara að skrifa undir kauptilboð í íbúð sem við gerðum tilboð í í gær! Og við ætlum að taka tilboðinu frá þeim! Erum alveg rosalega spennt, ég get ekki borðað ég er svo upptjúnuð! Hamingja og húsnæðismál beint í æð. Þetta er algjörlega draumaíbúðin, á besta stað í laugarneshverfinu, rétt hjá laugardagslauginni og World class (nú hef ég enga ástæðu til að mæta ekki í ræktina) og fyrir það fyrsta er íbúðin geðveikt falleg, mjög spes,undir súð og með risi og endalausu geymsluplássi inní veggjum hehe. Við féllum kolflöt fyrir henni þótt hún kosti slatta þá verðum við þar sem við viljum vera, sem skiptir öllu máli ;)

Plús hún er laus!!!! Við getum fengið hana 8.október, rétt fyrir afmælið hans Þórðar :) Hér erum myndir af íbúðinni....

http://mbl.is/mm/fasteignir/fasteign/?eign=262996

spennan magnast!

2007-09-20T08:34:00.000-07:00

Ég er svo spennt að ég gæti ælt!!!!

Erum búin að finna draumaíbúðina og hún er æðiiiiiii.....Risíbúð á Kirkjuteig......

Nú er bara að krossa fingur,tær,augu og eyru og vona það besta!

Við viljum Randver!

2007-09-14T14:15:00.000-07:00

Stöndum saman Randversaðdáendur!
Sniðgöngum Spaugstofuna!

Við viljum Randver!

Við viljum Randver!

Við viljum Randver!

.....það er engin betri í að leika konu.....

búin að selja vífó?

2007-09-14T11:56:00.001-07:00

Erum hnífsbreidd frá því að selja Vífilsgötuna!!!

Eftir rússíbanadag í gær, drama og endalaus símtöl, þakleka, tortryggna fasteignasala, vonbrigði, yfirlýsingar og óvissu þá virðist allt vera að smella saman í einn heitan hamingjusaman hrærigraut :)

Jább, ætla ekki að vera með neinar yfirlýsingar áður en kaupsamningur er undirritaður en þá erum við sko hérumbil búin að selja slottið og auk þess gera góðverk fyrir alla sem hér búa því búið er að redda þakleka málinu og engin þarf að borga nema þeir sem hafa hagsmuna að gæta í því máli. Jibbíkóla!!!!

Og nú tekur bara við leitin að draumahúsinu ;)

Ekki í frásögur færandi?

2007-09-08T07:14:00.000-07:00

Það er búið að vera svo brjálað að gera hjá mér síðustu vikur, allt að gerast í skólanum og sona.

Fórum á ættarmót þar síðustu helgi á Hyrningsstaði, systkini mömmu og börn og barnabörn. Jisús, ótrúlega skrýtið að sjá fullorðna einstaklinga sem ég sá síðast sem krýli! Þetta er það góða/slæma við ættarmót mar verður svo áþreyfanlega var við tímann og fyrir ykkur sem vissuð það ekki þá flýgur hann ;) Jább, sirkustjald blasti við okkur í sveitinni og forláta lamb á teini sem snérist hring eftir hring og endalaust af skyldmennum með bleika hatta, hver ætt átti sinn lit, svo spilaði annar hver maður á gítar þannig að það var sungið langt fram á kvöld. Svo má ekki gleyma öllum leikjunum sem var farið í, öskubuskuævintýrið er sko ógleymanlegt. Gleymi ekki Herbein í hlutverki töfradísarinnar, bara fyndið.

Ég gerði stór mistök fyrr í vikunni, mistök sem ég læri af og reyndar sýndu mér að ég er nú bara nokkuð sterk. Sumir menn eiga bara ekki að vera kennarar eða gefa sig út fyrir að vera það. Mér bauðst að syngja fyrir mjög þekktann mann í óperuheiminum (hér á landi). Sem söngkonu þá fannst mér það mjög spennandi. Var fyrst og fremst að gera það af forvitni og til að fá uppbyggileg ráð varðandi söng minn. En þar skjátlaðist mér gríðarlega. Þessi þjóðþekkti maður gerði lítið annað en að gera lítið úr mér og hefur mér aldrei nokkurn tíman liðið jafn illa að syngja. Hann hafði ekkert að segja, engin ráð, enga kennslu. Ég þraukaði þrátt fyrir nastý komment og reyndi að gera mitt besta úr þessari hörmung. Eftirá leið mér eins og ég hafði verið niðurlægð, höfð af fífli. En það var í raun bara hann sem gerði sig af fífli og ég er það sterk í dag að ég læt ekki óþroskaða belgi blása mér um koll.

Svo er ég búin að vera á Masterklass námskeiði, norskur ljóðasöngvari var að hlusta á okkur syngja Grieg. Þvílíkur munur á þessum tveimur mönnum, ætla ekki að lýsa því. Nú veit ég hver munurinn er á alvöru kennara og wannabe kennara. Ótrúlega gaman á þessu námskeiði, hann ráðlagði mér að vinna að botninum og finna mig í röddinni, finna grunninn. Ég skildi alveg hvað hann var að fara, inní mér klingdi það bjöllum. Hann sagði að ég væri með mjög stóra rödd og þyrfti að vera óhræddari að láta vaða. Ég fékk bókstaflega sjálfstraustið aftur sem söngkona.

Díses það er eitt sem mig langar að deila með ykkur esskurnar. Einu sinni fyrir langa löngu þá var kerlan á Herbalife. Sem er ekki í frásögur færandi nema að með pakkanum fylgdi málband sem er ekki í frásögur færandi nema að um daginn notaði Þórður málbandið til að mæla glugga, sem er ekki í frásögur færandi nema fyrir þær sakir að hann komst að því að málbandið mældi ekki rétt! Það vantaði fjóra sentímetra á metrann! Þá fékk ég flassbakk því einhvern tíman hafði ég skráð samviskusamlega þá sentímetra sem um mig lágu í þar til gerða bók sem er ekki í frásögur færandi nema að seinna notaði ég "alvöru" málband og komst að þeirri niðurstöðu að ég hefði bætt slatta af sentímetrum á mig sem þá samkvæmt vísindalegum niðurstöðum höfðu alltaf verið þarna en Herbalife mælingin hafði slegið ryki í augu mín allan þennan tíma. Nú verð ég s.s. að skilgreina mig uppá nýtt, sona sentímetralega séð.......

Í lokin ætla ég að óska Ellu litlu systur til hamingju með 25 ára afmælið 3. sept og Unnari stjúpbróður til hamingju með "the big 30" líka 3. sept. Til hamingju elsku snúllurnar mínar. (sorrý Unnar að ég kallaði þig snúllu ;)

á góðri stund á leiðinni í disney world :)

Summertime and the living is easy ;)

2007-08-21T09:10:00.001-07:00

Jahérna, sumarfríið búið! Danmerkurferðin var alveg rosalega skemmtileg, við vorum í íbúð í Horsens á Jótlandi, sem var kannski aðeins of lítil fyrir níu manns. Hehe en þröngt mega sáttir sitja um klósettið ;)

Þórður fríkaði út á því að umgangast fjölskyldu mína þannig að hann fann sér aðra ;)

Við byrjuðum á að eyða helgi í Köben, þar mátti m.a versla! Þar sem ég var búin að taka út minn

verslunarkvóta í Ammeríkunni þá verslaði ég náttlega ekki neitt! Bara 6 kjóla, fimm pör af skóm, leðurjakka, fínan jakka, 5 sokkabuxur,4 peysur, tvær skyrtur, 3 boli,15 brækur,tvö belti, fjögur sjöl,andlitshreinsi og andlitsvatn og 10 klassíska geisladiska. Takk fyrir vísa. Við fórum í Tívolí á laugardagskvöldi og frekar seint og byrjuðum á því að fá okkur að borða rándýra súpu á veitingastað því það var það eina sem við tímdum að borga fyrir, enda frekar dýr staður, svo náðum við bara að fara í eitt tæki, rólurnar sem fara lengst uppí rassgat. Svo var haldið til Horsens og þar var ýmislegt gert sér til dundurs eins og að: fara í skemmtigarða, regnskógargarð, safarídýragarð og keilu, við skoðuðum Árhús og gamla bæinn þar, við stelpurnar vorum duglegar að versla en ég hafði ekki eins mikið úthald og mágkonur mínar, Hafrún og Petra hehehe. Svo voru auðvitað ólík sjónarmið í svona stórum hóp og sumir vildu fara í moll á meðan við fengum grænar bólur við tilhugsunina! Skruppum til Þýskalands, til Flensburg og Kiel, fórum á ströndina og týndum krabba, ég og Þórður leigðum okkur reiðhjól og hljóluðum inní skóg, skoðuðum næturlífið í Horsens, fór á djammið með Háksa litla bró, weird hehe, spiluðum póker útí eitt, ég vann tvisvar,drógum að okkur heimilislaus dýr í Horsens og vorum ligeglad eins og danir.

Hef nú aldrei kynnst jafn afslappaðri stemmingu og í danmörku. Fyndið hvað allir eru í slow motion t.d í þjónustu á veitingastöðum og sjoppum. Þegar við biðum í hálftíma í röð eftir pulsu og þegar röðin var komin að okkur að kaupa þá fengum við númer og áttum að fá okkur sæti, Vá sæji það gerast á bæjarins bestu!

Hákon drapst á ströndinni :P

hjólreiðagarparnir :)

Sófadýr í Horsens

Hittum Össur Skarphéðinsson!

æja en þetta var bara ótrúlega gaman og nú er alvara lífsins tekin við, skólinn er byrjaður og ég er búin að sitja sveitt í dag á kynninganámskeiði um stafræna miðla í tónlist, mig langar alveg ógó mikið í tónlistarforritið Reason þessa stundina

Það er svo mikil spenna búin að vera í mér þessa dagana, að byrja í nýjum skóla og alles. Þetta er svona eftirvæntinguspennuhnútur og eftir þessa tvo daga þá lýst nér ansi vel á LHÍ, fínn mórall og virkar svona persónulegur skóli og alveg skrambi kröfuharður. Ég er aðallega í skyldufögum á þessari önn, er í tónfræði, hljómfræði, tónheyrn, tónlistarsögu og svo tungumála og framburðarkennslu og svo fara alveg cirka tveir dagar í einkatímana og sönginn. Er voða spennt að byrja að syngja aftur

Var í stöðuprófum áðan í tónheyrn og nótnalestri og það gekk sæmó, ætla að fara í undirbúningsnámskeið því mig langar að fá grunninn almennilega, hef aldrei farið í tíma í þessu en get svona reddað mér. Svo er hljómfræðin líka svoldill höfuðverkur en ég er ekkert ein í þessum sporum, við erum öll á svo mismunandi stigum þegar við komum í skólann og það verður bara að hafa sinn gang.

Svo ætla ég í lokin að óska mömmu hjartanlega til hamingju með leikskólastjórastöðuna!!!!!

ég fer í fríið....

2007-07-31T13:07:00.001-07:00

Vinn á morgun og svo er ég komin í frí og mun líklega vinna minn síðasta vinnudag á Endurhæfingardeild Hrafnistu. Ég kveð með söknuði, vá alveg yndislegt fólk gamalt sem ungt, en veit að þau losna ekkert svo auðveldlega við mig því ég ætla að syngja í Jólasundinu í desember og svo verð ég eitthvað að syngja við messur í haust.

Jiddúdda ég er að fara út ekkjámorgunheldurinn! 16 dagar hvorki meira en minna og svo þegar ég kem heim þá byrjar skólinn :)

Erum búin að mála eins og geðsjúklingar síðustu daga og það sér fyrir endan á þessu hjá okkur. Ætlum að setja íbúðina á sölu í haust, vonandi, kaupa svo aðra, vonandi.

Köben baby yeahhhh

2007-07-25T14:23:00.000-07:00

Sumarfríð er á næsta leiti, eða þarnæsta fimmtudag :) En þá munum við fljúga til köben ásamt Bjögga bróðir og Hafrúnu kærustu hans. Ohhh ég hlakka svo til. Við verðum í þrjár nætur í köben á hóteli ca 10 km frá bænum, sem er bara í góðu, tökum bara lestina :) Ætlum að kíkja á allt þetta hefðbundna sem fólk gerir í köben, strikið og tívoli, drekka bjór og bara njóta lífsins ligeglad :) Síðan keyrum við til Horsens þar sem familían er með íbúð.

Guð hvað það er skrýtið að ég eigi bara eftir að vinna í viku og svo er ég hætt!! Er varla að trúa því að skólinn sé að byrja. Ég er svona að velta því fyrir mér hvaða kúrsa ég ætti að taka um nóg er að velja http://lhi.is/Kennsluskra/?deild=16&braut=69

er allavega búin að ákveða að velja "Litla-hraun", og "skapandi skrif", langar líka á slavneskt ljóðasöngsnámskeið og framburðarkennslu.

Já spennandi tímar framundan :)

See yahh ;)

í fystu hljómhvörfum

2007-07-17T12:29:00.000-07:00

Ég á mér lítið, skrýtið, hliðarlíf sem nefnist hljómfræði.

Í þessu litla hliðarlífi leysi ég hljómakort og skrifa niður hljómaraðir í fyrstu hljómhvörfum, þ.e þegar þríund þríhljóms er í bassa kallast hann sexundarhljómur enda er þá sexund milli bassatóns og grunntóns.

Ég er í fyrstu hljómhvörfum í dag. Akkúrat sexund milli bassatónsins og grunntóns inní mér núna. Enda í svaka stuði. En ekki hvað?

Var að koma úr hjólreiðatúr. Hjóluðum í Nauthólsvík og niðrí Elliðárdal. akkúrat sexund þar á milli. hjólaði barasta útúr fyrstu hljómhvörfum og inní fersexundarhljóm þ.e.a.s. Norðurmýrina. Var í C-lykli þannig að þetta var aðeins erfiðari leið. Passaði mig reyndar ekki alveg nógu vel á samstígum áttundum og fimmundum á leiðinni og datt oní forarpoll. Eða var það Diabolus in musica sem felldi mig? Hljómar tónskrattalegt. Bölvaður.

??

2007-07-11T11:49:00.000-07:00

Að kaupa eða ekki kaupa, það er spurningin...

Það bíður fjólublár kjóll eftir svari við þeirri spurningu....

Á ég? Á ég ekki?

7000 kr. á útsölu hjá Ester flautubúðarstelpu ;)

Spurning um að vísa svari spurningunni!

paint forritið klikkar ekki!

2007-07-05T12:16:00.000-07:00

Þórður prik

Kattarkonan

Uhhh skuggalega lík jay leno :S

Fríksjóv

Flugan!

Cher wanna be ;)

Græna tröllokonan?

Mínns var að dunda sér í paint og það er alveg ótrúlega forvitnilegt að sjá hvernig mar breytist við það að færa til augu, nef, munn og höku...

Ég er t.d. nokkuð lík Cher ef ég færi kinnbeinin neðar og munninn líka....þá veit ég hver yrði fyrir valinu ef ég færi í svona "celebrity makeover".

Kvennahlaups-Kerlur og rómantískir-karlar á Hrafnistu

2007-06-20T08:30:00.000-07:00

Sumarið er komið! Loksins. Rónarnir farnir að fá lit í vanga sem er hinn fullkomni sumarboði.

Sumarið er farið að smeygja sér inní sálina á fólki og allir eru jarmandi glaðir eins og ég fékk að upplifa í dag í vinnunni. Við förum í göngutúra með fólkið og í dag sátu nokkrir herramenn á göngum hrafnistu og spiluðu á gítar og sungu (bjartar vonir vakna heyrðist mér), einn gerði sér lítið fyrir og bauð mér í dans þrátt fyrir sjónleysi og skerta göngufærni. Hann gerði sér lítið fyrir og henti frá sér göngugrindinni og greip mig bara glóðvolga, hann var líka þessi fíni dansari, enda Bolvíkingur, saman dönsuðum við um ganginn og uppskárum dynjandi lófaklapp nærstaddra ræstitækna frá tælandi að mér sýndist. Svona augnablik eru demantar, finnst svo leiðinlegt að þurfa að hætta í vinnunni í haust. Ég verð að vera dugleg að fara í heimsókn og dansa við gamla kalla og virkja í mér gleðina.

En show must go on. Ég ætla að muna að taka myndavélina mína með í vinnuna áður en ég hætti og festa fólkið frábæra á filmu eða segir mar ekki digital í dag? Hér er smá innsýn inní lífið og starf á Hrafnistu, deildin okkar sá um kvennahlaup fyrir ungar sem aldnar kerlur!

Girl power :) http://dagskra.ruv.is/streaming/sjonvarpid/?file=4301832/3

Er svo stolt af konunum okkar! Takiði eftir viðtalinu við Þórdísi hún er alveg brilliant kona...Hennar skoðun er sú að fólk ætti að drepast daginn eftir að það hættir að vinna...og hananú...

Sagan um moldvörpuna og risa rottuna...allegoría um íslenskt samfélag...

2007-06-09T12:23:00.001-07:00

Einu sinni var lítill moldvarpa sem bjó í moldvörpulandi, hún var í meðallagi loðin, tannhvöss með eindæmum og dansaði salsa eins og það væri enginn morgundagur við risa rottu sem átti við alvarlegt þunglyndi að stríða. Einn daginn hætti moldvarpan litla að dansa salsa og risa rottan með alvarlega þunglyndið snéri sér að einmanna hagamús sem valdi alltaf röngu týpuna. En moldvarpan ákvað hins vegar að skella sér í viðskiptafræði, í fjarnámi, þrátt fyrir minnimáttarkennd og prósentufælni. Það veit enginn hvað gerðist síðan, hvað varð um Risa rottuna og hagamúsina sem valdi alltaf röngu týpuna? Var risa rottan rétta týpan? Er moldvarpan að vinna hjá kaupþingi? Og er hún hætt að dansa salsa eins og það sé enginn morgundagur?

Þetta er allegoría um íslenskt samfélag. Eða hvað?

Ferðasaga (af íslenskri fjölskylda í ameríku og öðrum hryggleysingjum)

2007-06-05T13:26:00.000-07:00

Komin í kuldann, reyndar fyrir næstum því tveimur vikum, var brún en er sem betur fer búin að endurheimta brúnkuklútsvænu hvítu húðina :)

Orlando var mjög sérstök upplifun, þetta var rosalega afslappandi og góð ferð, fjölskyldan var auðvitað í fyrirrúmi og mér leið svoldið eins og ég væri orðin tíu ára aftur ;) sem er góð reynsla fyrir 27 ára kerlur á hraðlestinni "þrítugsaldurinn nálgast óðfluga.is". Ég, Ella og Alexander vorum staðsett í aftursætinu á fjölskyldutrukknum ammeríkuvæna og náðum áður óþekktum hæðum í grettum og fettum og yndislegum fábjánaskap. Örfáar myndir náðust því til staðfestingar og ykkur öllum til yndisauka.

Húsið sem við vorum í var algjört æði, Mjög amerískt allt, þið vitið hvíti stóri stiginn, ískápurinn með klakavél, sundlaug og flatskjár í hverju herbergi ( Reyndar svoldið íslenskt líka !) Desperate housewives umhverfi, sáum samt fáar örvæntingafullar á hælum, sást aðeins til einnar áttræðar sem var að "viðra" sig í bílskúrnum. Edie hvað? Dýralífið var alveg frábært þarna, eðlur, íkornar,storkar, kanínur, slöngur, skjaldbökur, kakkalakkar, dodo flugur (svokallaðar graðflugur) og svo má ekki gleyma honum Hafliða.

jább, hiti og sviti, morgunmatur á sundlaugarbakkanum, amma að telja flugvélarnar sem flugu yfir, núðluhopp og núðluskopp í lauginni, sólarvörn og Albertsons.

Það sem mér fannst mjög skrýtið þarna er að í Orlando er enginn miðbær, eins og við þekkjum úr Evrópu eða annars staðar. Furðuleg tilfinning að geta ekki rölt um miðbæ og setjast niður á kaffihús og hafa það huggó. Þú ferð allt á bíl, enda sér mar ekki marga ganga, vegalengdirnar eru svo miklar. Hehe, við fengum hálfgert menningarsjokk fyrsta kvöldið þegar við fórum út að borða, keyrðum á aðall veitingahúsagötuna og þar var allt morandi í skyndibitastöðum, þar voru svona hlaðborð all you can eat (children eat for free), frekar svona subbuleg stemming og við vorum fínt klædd og ekki alveg í stuði fyrir að sitja í mötuneytisstemmingu þar sem takmarkið var að hlaða eins mikið af mat og mögulegt var. Úff, svo sá maður heilu fjölskyldurnar afvelta af fitu og mjög margir komnir í rafknúna hjólastólabíla því þeir gátu ekki gengið lengur. Enda svo sem ekki gert mikið ráð fyrir því að þú gangir mikið.

Flórída er náttlega þekkt fyrir garðana sína, við fórum í Universal Studios og Disney World og Wet´n wild rennibrautagarð. Það var mjög gaman í Universal en mér fannst nú Disney world frekar mikil vonbrigði, æji þetta er svona kauptu kauptu, ofgnótt af öllu, yfirþyrmandi Disney tónlist alveg að æra mann og endalausar biðraðir inn í tækin. En hefði samt ekki viljað missa af þessu. Bara langar ekki að fara aftur. Aldrei aftur!!!!!!

Jább þetta var bara rosa gaman og gott að hrista fjölskylduna saman í amerískan shake´n steak

Og svarið er? JÁ

2007-05-05T14:12:00.000-07:00

Jæja, fékk að stelast á netið hjá múttu, er laus við veraldarvefinn eins og er og ég er ekki frá því að ég sé laus við fráhvarfseinkennin! En síðasti mánuður var kvöl og pína, þurfti að bíða og bíða eftir svarinu mikla frá skólanum og eins og þið flest vitið þá var svarið JÁ :)

Ég er s.s að fara í listaháskólann næsta haust og mun því syngja eins og brjálæðingur allavega næstu þrjú árin ef allt gengur að óskum.

Svo er það bara Flórída á föstudaginn, ég missi s.s af eurovision og kosningunum!! En við Ella vorum nú eitthvað að ræða það að láta ekki deigann síga og verða sjúklega despó og horfa á þetta bara úti, stökkvum bara í laugina þegar það koma leiðinleg lög ;) En ég veit ekki hvort ég geti gert sjálfri mér þau leiðindi að fylgjast með kosingunum í 30 stiga hita? Uhh ég held ekki. En ef það er ekkert annað að gera í flórída en að horfa á Boga benda á línurit og spaugstofuna syngja framsóknargamanvísur inn á milli þá má svo sem gera það. Bara in case sko....

Hoppandi happy !!

2007-04-12T10:27:00.000-07:00

jæja esskurnar þá er áheyrnarprófið búið og það gekk bara vel, held ég. Ég þurfti allavega bara að syngja 3 lög því "dómnefndin" sagðist vera búin að heyra nóg, hehe. Ákvað að lesa í jákvæðu hliðina í staðinn fyrir að hugsa "hva, eru þau strax búin að gefast upp á garginu". Ég er reyndar alveg obboðslega kaldhæðin stundum þegar síst á við og sagði alveg þykjustunni svekt "viljiði ekki heyra mig syngja meira?" alveg viss um að djókið myndi skiljast því ég tísti eitthvað hysterískt á eftir. Neinei, þegar ég er búin að þakka innilega fyrir mig og labba söngkonulega út þá kemur ein konan sem var að dæma og er alveg miður sín og segir "þetta þýðir sko alls ekki að við viljum ekki heyra þig syngja meira, ekki taka því þannig, ekki" og ég alveg voðalega ekki miður mín og þurfti að sannfæra hana um að ég væri nú bara sátt.
Fékk allavega faðmlag frá einum dómaranum og það er kannski auka samúðarstig þar hehehe...

Jamms ég var bara ultra kúl á því í flottasta svarta kjólnum mínum og silfur skónum mínum, en ji hvað ég er fúl við sjálfa mig að hafa verið í svona "klessum öllu inn" sokkabuxum því ég fann þær skríða óþægilega mikið niður eftir eina rokuna, það tekur sko á skrokkinn að góla þetta pípól ;) Hvenær verða framleiddar sokkabuxur sem renna ekki niður? þá meina ég samt ekki nælonsamfestinginn sem á að grenna mann um tvær stærðir og nær frá hálsi niður að tám!

Kannski er það bara ég en ég er alltaf jafn lekker þegar ég tek bóndakonutakið á buxunum og toga þær upp eins og kraftlyftingakona og kúluvarpari frá Úkraínu. Bara sexy sko......

Það voru svona sirka 10 manns að hlusta og ég var næst síðust yfir daginn, þau voru öll mjög þreytuleg greyjin enda varla komist í mat allan daginn, ohh það hefði verið smart múv að koma með snittur eða eitthvað, svona örlítið matarmútur getur ekki klikkað.
Sumir horfðu stíft á mig á meðan aðrir lygndu aftur augunum, allir að hugsa sitt og ekki síst að DÆMA mig!
Éger að hugsa náttlega fyrst og fremst um að syngja en aðrar hugsanir eru óhjákvæmilegar eins og;

er ég opin,
shit vantar legato?
er ég nokkuð að rugga alltof mikið?
er ég að horfa óæskilega mikið í augun á Gunnari Kvar´'erann?
gavuð hvernig ætli sé að vera með svona hár?
úbbs er of andstutt, þarf að anda eftir næsta erindi
ómæ þar fóru sokkabuxurnar niðrá hæla
brosa, brosa, kankvís, kanksvís
koma svo tregafulli svipur
túlka túlka túlka
ætli mozart sé að hlusta?
kommon fæ ég ekki að syngja bláu nunnurnar?
ji hvað það væri óviðeigandi að prumpa akkurat núna

Ég ætlaði að ná augnsambandi við alla í salnum, ákvað það áður en ég fór inn í salinn, það tókst og ég varð ekkert stressuð þótt ég mændi djúpt í augun á blessuðu fólkinu, mar tekur líka eftir því að um leið og ég fór að horfa á þau þá var eins og þau tengdust betur því sem ég var að syngja, allavega fannst mér það. Ég ætla s.s að komast inn í skólann og sé alltaf fyrir mér símtal frá Elísabetu sem segir kát"þú komst inn" og ég alveg hoppandi happy :)

Vitni óskast

2007-04-05T10:32:00.000-07:00

Kerlan á 27 ára afmæli í dag og óskar hún eftir vitnum sem geta sagt henni hvar hún hefur alið kerluna síðustu 7 árin því að hennar vitund er hún aðeins tvítug þrátt fyrir ótvíræðar gáfur og þroska á við jesús.

Vitnin eru vinsamlegast beðin um að koma í partý þegar hún er búin að taka inntökupróf í listaháskólann og já ef hún kemst inn verður húllumhæ og þeir sem geta vitnað um veru hennar og óveru síðustu ár mega láta gamminn geysa....

sjáiði bara ekki deginum eldri en tvítug!!!

flórída úje

2007-04-03T13:26:00.000-07:00

helló esskurnar ! jæja, haldiði ekki að mín sé á leiðinni til Flórída í maí! Jebbsörí, Pabbi og Helga eru með hús þar sem lítur nákvæmlega eins út og Wisteria-Lane í Desperate housewives. Svæðið er svona country club og er lokað svæði, já það eru víst öryggisverðir þar og alles, það þýðir greinilega ekki annað í Bandaríkjunum. Hér eru myndir af húsinu:

Wisteria-Lane hvað?

sundlaugin ummm...

Ég gerði mér lítið fyrir og söng á árshátíð aðfanga á laugardaginn. Heppnaðist bara rosalega vel og ég fékk frábærar móttökur. Ég fékk nú ekki mikinn fyrirvara á þessu "giggi" en ég tími bara ekki að neita neinu sem mér bíðst ;) Enda komin með nettan seiðing í magann fyrir áheyrnarprófið í næstu viku!! Nú er bara málið að hafa óbilandi trú á sér, sungum í gær á svona hálfgerðri generalprufu, fengum að prófa salinn sem prófið fer fram í og vá hvað er geggjað að syngja þar. Alveg glimrandi hljómburður og ég er ekki frá því að mar fái smá egó búst í öllu þessu sándi :)

Tjá esskurnar mínar, er að fara að njóta þess að ég skuli enn vera bara 26 ára, ammælið mitt eftir ekki á morgun heldur hinn og þá fer ég á Blonde Redhead liggaliggalái.....

I have a daydream

2007-03-23T07:49:00.000-07:00

Þá er ég búin að leggja inn umsóknina í lhí! Svo hefur prófinu verið flýtt til 10. apríl, sem er by the way strax eftir páska. Það er allavega á hreinu að ég á eftir að vera stresshrúga um páskana!! Þetta er í raun alveg að bresta á og ég er ekki alveg viss hvar ég stend, er ég tilbúin? En ég á nú eftir að fá einhverja aukatíma og svona til að pússa þetta til. Vona ég.

Shit hvað tíminn flýgur.

Ég vildi óska þess að apríl væri liðinn, af hverju flýgur tíminn ekki yfir þann hjalla? Sem fyrst takk fyrir....Því þeim mun lengur sem ég fæ að velta mér uppúr mögulegum niðurstöðum úr þessu prófi þeim mun geðveikari verð ég. Ég geri ekkert annað en að dagdreyma, ég sé mig fyrir mér þar sem ég fæ fréttirnar, líklega frá Elísabetu, um að ég hafi komist inn þrátt fyrir slæma hljómfræði kunnáttu. Ég er hoppandi um eins og gleðikanína útum allt og hringi í alla og segi þeim tíðindin og held partý og alles, bíð náttlega öllum uppá hvítt og með því! En svo leynist í hausnum á mér önnur sýn, myrk sýn. Þar sé ég mig fá slæmu tíðindin, þú bara varst ekki nógu góð Kristín, þú ert búin að eyða tíma þínum í algjöra vitleysu vina mín og að auki sökkaru í Tónfræði, hljómfæði og nótnalestri!!! Ég sé mig fyrir mér útgrátna, með hárið úfið, ég lít út eins og goþþari eða Gilitrutt með heiminn á herðum sér, öskrandi útí myrkrið, ÉG MUN ALDREI SYNGJA FRAMAR,ALDREI....nema ég fái borgað fyrir það eða einhver nákomin mér gifti sig....

Og ég verð eiginlega að viðurkenna að það er ekki mikið svigrúm fyrir dagdrauma sem eru einhverstaðar þarna á milli. Svart eða Hvítt. Er nú samt aðallega að einblína á hvíta drauminn. Svona á milli þess sem ég daðra við þann svarta. Ohhh ég þarf virkilega á distraction að halda pípól.

2007-03-20T14:22:00.000-07:00

MYNDIR MYNDIR!

Nýjar myndir á myndasíðu 2 :)

...........jól og áramót og bland í poka............

Jól og áramót og bland í poka

Takk fyrir mig elskurnar mínar :)

2,6 kg :)

2007-03-16T12:22:00.000-07:00

2,6 kg. léttari eftir 2 vikur!!!! :) meira um það á kerladanska.blogspot.com

Slæmt slæmt fiskikarma!

2007-03-13T12:43:00.000-07:00

Note to self...ALDREI ELDA FISK AFTUR.......

Mínir fiskidagar eru hér með taldir....Ég hef reynt af öllum mínum mætti að elda fisk og í öll skiptin hef ég hent honum....Fyrir utan skiptin sem Þórður hefur pínt matinn í sig.....Let´s face it Kristín þú ert ekki fiskimanneskja....Slorið mun því vera víðsfjarri mér í danska kúrnum ....

Hvernig er hægt að klúðra því að elda smálúðu? Mjööög auðveldlega skal ég segja ykkur. Smá návist við Kerluna er nóg...ÉG meina kommon, ferskt rósmarín, hvítlauksolía, salt, pipar og dasssh af sítrónusafa hljómar nú nokkuð safe, en látið ekki blekkjast þegar ég er annars vegar.

Ég hef virkilega slæmt fiskikarma pípól.......

Til ömmu

2007-03-09T17:17:00.000-08:00

Þú fórst það var haust
himnaenni þitt kalt
ég strauk ofurlaust
og þér þakkaði allt

Hvert augnablik þitt tár
þú grætur hans ævi
um ókomin ár
falla í hjartans sævi

Hans hverfandi armur
þig hlýlega vefur
og hvíslandi harmur
þú veist hvað þú hefur

Og í eyra þitt segir
Ég grét, ég mun gráta
himnahöfuð þitt sveigir
þín þögn lífsins gáta

ljóðakerla

2007-03-09T17:08:00.000-08:00

Dans frostrósarinnar

Ég er frostrós á rúðu
þú gefur mér 5 sekúndur af augum þínum
og ég stíg örlítinn frostdans fyrir þig
tindrandi

Þú horfir annars hugar á sólina
sem er að vakna af værum blundi.

Sást mig ekki bráðna.

Ég er lítill dropi á rúðu
þú gefur mér 5 sekúndur af augum þínum
og ég stíg trylltan dans fyrir þig
drullug

Þú segir annars hugar
"Loksins er sumarið komið"

Er aldurinn afstæður?

2007-03-08T13:59:00.000-08:00

komin með átaksblogg.(kerladanska.blogspot.com)

.....á dauða mínum átti ég von.....

En svona er þetta, ég er líka farin að mæta í kirkju einu sinni í viku...

......og áður en þið vitið af því þá á ég eftir að snúast alveg við og gerast heimdellingur og fara að ganga með gemsann á mér daglega, hætta að drekka diet kók og horfa á fótboltann um helgar....Eða eitthvað.....

En ég ætla að nota tækifærið og óska Endurhæfingadeild Hrafnistu til hamingju með 10 ára afmælið! Húrra,úrra, úrrrraaaaaaaaa!!!

ég verð nú samt að deila með ykkur lífspeki aldraðra áður en ég hætti. Á rölti mínu um daginn með konu á tíræðisaldri sem bar aldurinn afburða vel og gæti vel verið á níræðisaldri þá lét ég þá klisju útúr mér ,af einhverjum ungæðingslegum ástæðum og greinilega mjög skilningssljóum, að aldurinn væri nú afstæður. Ég var ekki fyrr búin að láta þessi umæli falla útúr mínum ekki mjög svo gömlu vörum að konan lítur á mig full hneykslunar og svipur hennar sagði mér allt sem segja þurfti, Nei ALDURINN ER EKKI AFSTÆÐUR. Og hana nú. þarna fékk ég kennslu í því að láta undir engum kringumstæðum útúr mér klisjur sem á einhvern hátt viðkemur aldri.

Ekki einu sinni klisjurnar "allt er fertugum fært" og "þú ert bara eins gamall og þér líður". því þegar ég fór að hugsa um að ég væri með þvagleka, gyllinæð og jafnvel stómapoka og ýmislegt annað sem tengist ellinni þá er ég ekki svo viss um að mér fyndist afstæðnin í aldrinum svo heillandi. Við erum bara eins gömul og við erum..úff féll aftur í þessa gryfju....

danskur, danskari danskastur

2007-03-04T09:15:00.000-08:00

Var að koma úr samsöng og viti menn ég er farin að standa kyrr þegar ég syng!!! jeij...þetta er stór áfangi fyrir mig og langaði bara að deila því með ykkur.

jæja ég er byrjuð á danska kúrnum. Uhhh verð víst að éta ofan í mig alla fordómana sem ég hafði um kúrinn því þetta er ekkert smá sniðugt. Ég þarf að innbyrða mikið grænmeti og ávexti og á beisiklí að éta allan mat en þarf að vigta hann. Það eru komnir 4 dagar núna og mér líður rosa vel bara! Svo þarf ég að mæta í vigtun einu sinni í viku. Ji, mér leið eins og ég væri kind á leið til slátrunar um daginn þegar ég fór í fyrstu vigtunina. Þarna vorum við, svona 30 stykki kindur, í röð og biðum þess að verða vigtaðar. Voðalega viðkunnulegar konur tóku á móti manni og skrifuðu svo niður þessar dómsdagstölur, á miðöldum hefðum við verið brennimerktar þessum tölum, þá gátum við skrifað niður óskaþyngdina og ég sá í huganum þessar endalausu fyrir og eftir myndir í vikunni og þessum kvennablöðum með fyrirsögninni "fyrst ég gat það þá getur þú það" og svo eru þær undur hamingjusamar á svip í gömlu tjöldunum sínum og halda þeim uppi stoltar á svip yfir árangrinum. Já, ég er ekki frá því að ég hafi séð mig fyrir mér þannig. En fyrst þarf mar víst að hafa fyrir þessu er það ekki? Þetta er að mínu mati aðeins spurning um eitt, hversu þrautseig verð ég að halda þetta út. Og eins og himininn lítur út í dag mun ég japla á brokkólí og baunum fram í rauðann dauðann og tala bara um danska kúrinn við ykkur eins og ég sé heilaþvegin þangað til annað kemur í ljós..adios...

flensuskítur og UFO

2007-02-23T13:40:00.000-08:00

óðurinn til flensunar

Er með flensu, flensu, flensu,

trallalalllala, ullabjakk og hor og slor

drekk bara kók, les enga bók

slytti í rúmi og sófa

eintómt mók

höfuðið er að springa

og ónýt er kerlunar bringa

þá er best að blogga blogg

og loka mínum gogg

því ekkert kemur útúr munni

nema risa horklessuklunni

mikið er ég fegin að þið sjáið mig ekki núna. Lufsuleg á sál og líkama. Og meika engan vegin að vera í brjóstahaldara eða annari upplyftingu. Ég er búin að horfa á fullt af kellingamyndum og grenja yfir þeim því það er svo hollt að gráta yfir öðru en manns eigin eymd. Horf'ði líka á mynd um UFO sem ég downloadaði. Það er eitt sem ég er viss um í þessum heimi og það er að það séu til geimverur einhverstaðar þarna úti. We are not alone. Hef nú áður bloggað um þetta og þarf ekkert að fara útí þessa sálma aftur. Vá, það eru til yfir hundrað þúsund myndir af UFO og það minnir mig á það þegar ég leit snöggt upp til himins einu sinni og hélt að ég hefði séð UFO en þá var það bara tunglið. Eða var það? TATTATTAHH.

Inntökuprófið mitt í lhí verður 13.apríl. Þannig að núna er ég á fullu að undirbúa prógrammið sem ég mun syngja. Það gengur bara mjög vel, er búin að læra allt utan að og nú er ég aðallega að slípa lögin til og túlkunina. Elísabet bað mig um að klippa toppinn eða setja spennu í hann fyrir prófið, það er víst til að túlkunin í augunum komist betur til skila! Hún var ekkert rosalega hrifin af þessum síða toppi mínum og spurði hvort þetta væri í tísku, ég sagði að þetta væri nú eiginlega bara ég. Nú verð ég að láta þessar stóru augabrúnir í ljós og leyfa þeim að tjá sig svoldið. Sjáiði mig ekki fyrir ykkur Fridu kalo augabrúnirnar mínar (ætla að láta þær vaxa saman sko) í trylltum dramatískum sveiplum, önnur fer upp og hin niður. Það yrði bara flott sko!!

Er þetta líklegt til að slá í gegn í inntökuprófinu?

ohhh, kristín þó, ekki setja snakk í nebbann!

sjeik it sjeik sjeik

2007-02-08T14:25:00.000-08:00

to be or not to be a pervert

2007-01-28T08:59:00.000-08:00

Er alveg að missa mig yfir handboltanum, ég held ég hafi aldrei horft á jafnmikið á íþróttir og á síðustu dögum. Það versta er samt að ég ræð ekki við mig af spennu og öskra úr mér lungun, naga neglurnar, blóta eins og sjóari, slít af mér hálsmen (eyðilagði uppáhalds hálsmenið mitt yfir síðasta leik), og er nálægt því að missa allt vit og rökhugsunin fær að fjúka útí bláinn. Svo þegar þetta er búið þá skil ég ekkert í þessu rugli. Gæti ekki verið meira sama. Who is Ólafur Stefánsson? En á meðan þessar 60 mínútur standa yfir er ég undir annarlegum álögum og fæ kökk í hálsinn þegar þjóðsöngurinn er sungin af íþróttamannslegri ákefð og falsleika. Strákarnir okkar og allt það sko, en ég set mörkin við "í blíðu og stríðu". Um leið og við stöndum okkur illa er ég fyrst til að standa á fætur með blótið mitt og nagaðar neglur og eyðilögð hálsmen og segja; það ætti að leggja niður allar íþróttir á íslandi fyrir utan boccia.

En nóg af boltanum, ég er búin að vera ansi dugleg þessa helgi, fór í ræktina í tvo tíma í gær (lau) og fórum í göngutúr í öskjuhlíðinni í dag. Það eru alltaf einhverjir í öskjuhlíðinni. Enda kannski ekki skrýtið því öskjuhlíðin er alveg ágæt, þrátt fyrir perrvertana. Sáum samt enga í dag, perrar eru kannski eitthvað að halda sig til hlés á þessum síðustu og verstu tímum fyrir þá. Greyjið perrarnir fá hvergi að vera! Alltaf verið að narra þá í gildrur og taka af þeim sakleysisleg BDSM myndbönd og setja það á netið. Svo eru allir svo vondir við þá í fangelsunum. Svo mega þeir ekki berrassast fyrir framan ungar stelpur á netinu án þess að verða nappaðir í gildrur! hvert er heimurinn að fara? Ég er nú frá patreksfirði og þar hafa nú margir perrar lifað góðu lífi, einn var skátaforinginn minn og var í löggunni og fékk að hafa umsjón með sturtuklefa strákanna sem er akkúrat mjööög hentug staða fyrir barnaníðinga og þá sérstaklega ef þeir fá líka aðgang að félagsmiðstöðinni og sona. Ekki amalegt ha? Ég tel mig bara sérstaklega heppna að hafa verið stelpa! Brundmundur í byrginu er svona "guðlegur perri" hann perrast í nafni trúarinnar eins og kannski þekkt er innan kaþólsku kirkunnar, gömlu góðu prestaperrarnir. Þannig að það er af nógu að taka í öfuguggafræðum en þeir þurfa ekki að hafa neinar áhyggjur hér á íslandi þessi greyj því dómstólar taka á móti þeim blíðum höndum (ekki perrahöndum samt) og gefa þeim ár eða tvö til að tjilla og taka út refsingu sína þrátt fyrir að eyðileggja líf barna sem geta enga rönd við reist gangnvart kerfinu sem yppir bara öxlunum og klappar perrunum á bakið.

Dýrin í Hæðargarði

2006-12-05T08:55:00.000-08:00

..Fluga heldur uppi heiðri kattakynsis og fjölgar sér.

...Heyrst hefur að hún eigi svartann elskhuga sem kemur reglulega í heimsókn og kíkir á kettlingana, sem by the way eru ekki taldir hans...

..veit að mömmu langar í barnabörn og Fluga hefur heldur betur tekið sig til og séð mömmu fyrir litlum kettlingadúllum til að knúsa í staðinn.

..Fluga er byrjuð að æfa til að losa sig við óléttubumbuna og hefur hún nú þegar misst 55 grömm þrátt fyrir að hafa bætt á sig vöðvamassa...

..Fluga er player...

..Enda afraksturinn mikill og er hún eflaust orðin amma...

..Svo er það barnabarnið, Aþena, yndislegur hundur sem er með ofnæmi fyrir köttum, í bókstaflegri merkingu...

..Aþena er með húðsjúkdóm og Bjöggi bróðir og Hafrún gera allt sem í þeirra valdi stendur til að hjálpa henni..

..Hún lyktar því stundum en bætir það upp með ilmandi persónuleika...

..Hélt á tímabili að hún væri köttur en fékk síðan ofnæmi fyrir köttum og vildi frekar vera hundur..

..Aþena er ekki jafn mikill player og Fluga ..

..Aþena þarf að tileinka sér hina ódauðlegu visku "Góðir hundar fara til himna en slæmir hvert sem er"..

...Ekki leiðum að líkjast...

2006-12-02T13:52:00.001-08:00

...

2006-11-03T14:51:00.000-08:00

Nýjar myndir á síðunni MYNDIR...

Haustið beint í æð........

sjaldséðir hvítir hákarlar

2006-11-03T10:38:00.000-08:00

hehe, hafiði fylgst með Ásgeir Kolbeins umræðunni?
Hann var víst að drulla yfir einhverjar innréttingar í innlit útlit með snobbótta gaurnum með geitarskeggið og ældu víst yfir eldhúsinnréttingu og kúkuðu af ógeði yfir rimlagluggatjöld og enduðu svo víst með að klippa af hvor öðrum punghárin og dreifa þeim um íbúðina og geitargaurinn pissaði síðan allhressilega yfir Geira sem hló innilega og þakkaði fyrir sig.
kjút kjút kjút. Vala matt nær sko seint að toppa þetta!

Ég var að koma af skyndihjálparnámskeiði í vinnunni. Rosalega hefur mar gott af því að rifja þetta upp. Fékk að hnoða og blása dúkku og læra að bjarga fólki frá því að drukkna. Ég vann nú eitt sumarið sem sundlaugarvörður (ég veit ég hef komið víða við) og þar var ég ein að vinna með engan síma, ekkert skyndihjálparpróf né reynslu. Jeij hvað ég hefði nú verið vel sett ef eitthvað hefði komið fyrir! Vil ekki hugsa útí það. En samkvæmt skyndihjálpargaurnum hefði ég ekki verið ábyrg heldur eigendurnir. Samt er það nú þannig að ég hefði kennt mér illilega um ef ég hefði mannslíf á samviskunni sem ég hefði getað bjargað ef ég hefði amk haft síima!! jú alveg rétt ég kvartaði svo mikið undan þessu að ég fékk flautu sem átti að vera viðvörunarkerfið á staðnum! Flautu!!!!

just stick that flute where the sun dosen´t shine.

Er byrjuð að syngja O mio bambino caro sem er eitt af mínum allra uppáhalds klassískum lögum. Loksins farin að syngja eitthvað alvöru. Ein sem ég vinn með var að stinga uppá því að ég talaði við afþreyjingardömurnar á Hrafnistu með að halda kannski tónleika eða fá að æfa mig að syngja fyrir einhverja deildina, það er ekki svo vitlaus hugmynd, mjög góð æfing fyrir mig.

mig dreymdi hvíta, fljúgandi hákarla fyrir utan gluggann minn, þeir klesstu á rúðurnar og voru að reyna að komast inn, í draumnum þótti mér þetta eðlilegasti hlutur í heimi.

mynd dagsins

2006-10-31T12:26:00.000-08:00

og þar lá fjallið grafið

2006-10-18T09:37:00.000-07:00

Var í söngtíma áðan og fannst ég bara vera ógeðslega léleg og skil ekkert í því af hverju ég er eiginlega búin að koma mér útí þetta rugl. ohhh. Átti að ímynda mér fjall á bak við mig sem myndi veita mér kraft og bergmál og ég gat ekki einu sinni ímyndað mér að það væri steinn á bak við mig. Svo varð ég pirruð útí sjálfa mig fyrir að ná ekki upp á helv. g-ið sem er venjulega ekkert mál fyrir mig, ekkert fjall að styðja mig í því takk fyrir. Rússneski framburðurinn var það eina sem ég plummaði mig í. Kannski þarf ég bara að ímynda mér fjallið á rússnesku?

Ég er orðin virkilega þjálfuð í að tala um veðrið. Það má segja að ég sé sona atvinnuveðursamræðari. Ég get haldið uppi mjög fjölbreyttum umræðum um veðrið þessa dagana í vinnunni´því starf mitt felst að hluta til að sækja fólkið og til að stytta okkur leið förum við út.Það er nú napurt úti núna segi ég við eina fiðurkolludúlluna og við þá næstu tala ég um hvað veðrið sé nú frábært og hressandi fyrir líkama og sál og lalalala. Jahhh svei mér þá ég þurfti að skafa í morgun, vekur alltaf upp mjög sterk viðbrögð. Svo er reyndar aðal galdurinn fólginn í því að greina "jákvæðnistuðulinn" hjá þeim gömlu.

Samkvæmt minni óvísindalegu könnun þá skiptist fólk í tvennt:
1. fólk sem kvartar alltaf undan veðrinu
2. fólk sem dásamar alltaf veðrið
...eða einfaldlega jákvætt fólk og neikvætt fólk. Ég flokkast sem hlutlaus því ég gríp alltaf múdið hjá fólkinu og spila svo úr því á minn einstaka hátt.

Ég myndi flokkast undir neikvæða hópinn í dag! ó mæ hvað ég er neikvæð í dag. Það er bara andskotans bylur og gaddur úti og ég held ég haldi mig bara inni í fýlu og reyni að finna mitt innra fjall. Ef það er hægt sökum innra veðurs!

Hann á afmæl´í dag, hann á ammæl´í dag....

2006-10-10T14:23:00.000-07:00

Til hamingju með afmælið ástin mín!

Grússkí karamba!!

2006-10-05T10:52:00.000-07:00

Jebbs pípóls kaupin gerast sko hratt á eyrinni, er komin með nýja vinnu, frami minn hjá póstinum verður að bíða betri tíma því ég er að fara að vinna sem aðstoðarmaður sjúkraþjálfara á Hrafnistu. Lýst bara akkotti vel á það. Er að skutlast með gamlingjana í leikfimi og boccia og setja á þá heita bakstra og sona, aðstoða þau í tækjsal líka. Get náttlega montað mig hvað ég tek mikið í bekkpressu, fín samkeppni sko og mjööög gott fyrir egóið! Ekki það að ég taki mikið í bekkpressu, hef reyndar bara gert það einu sinni :S allavega þá held ég að þetta sé gott múv því þrátt fyrir kosti þess að bera út þá er það ekki beint góðs viti að vera komin með leið á einhæfninni eftir 4 daga!
Og þið þarna úti sem eruð ekki búin að merkja ykkur vel og rækilega á hurðirnar ykkar ættuð að skammast ykkar og drífa í því, þið vitið ekki hvað þetta tekur á sálarlíf póstarins páls og co. Ó mæ hvað þetta er trist.

ich bin ein Zauberer.

Þarf að fara að rembast við að læra rússnesku lögin mín. Abbabbabb hvað rússneskur framburður er geðklofinn, t.d ber mar b fram sem v og p sem r, fyrir utan alla stafina sem eru bókstaflega ekki í okkar stafrófi. En einstaklega gaman samt og fræðandi. Þetta eru lítil sæt þjóðlög og ég er ekki búin að læra meira en að bera fram fyrstu þrjú orðin í einu laginu. En þetta kemur með vodkanu eins og rússarnir segja. Grússkí karamba!!!

...Vér mótmælum öll...

2006-09-29T06:05:00.000-07:00

Mér líður eins og ég sé stödd í gjörningalandinu mikla. Fór í mótmælagöngu Ómars Ragnarssonar í vikunni og varð voðalega hissa á fjöldanum. Jidúdda hef aldrei séð annan eins fjölda samankomin á íslandi til að mótmæla og þetta voru ekki bara hippar og mh -ingar og vinstri grænir! Þarna var allur skalinn af fólki. Samt finnst mér alltaf hálf furðuleg stemmingin í íslenskum mótmælagöngum. Veit ekki hvað það er en einhvern veginn finnst mér eins og fólk sé svona hálf vandræðalegt. Sona við erum að mótmæla en samt erum við eiginlega bara á röltinu hérna að ræða um veðrið eða eikkað. Ekkert almennilegt fútt í þessu! Samt kom almennilegt fútt í þetta þegar Ómar hélt ræðuna sína niðrá Austurvelli! Ég stóð mig að því að klökkna ítrekað og hrópa eins og ég væri á samkomu hjá krossinum. Ef ég væri í sértrúarsöfnuði þá vildi ég vera í sértrúarsöfnuðinum hans Ómars. Vá hvað ég er reið útí þessa kárahnjúkavirkjun ekki bara útí virkjunina sjálfa heldur ósvífni ráðamanna Íslands sem vita að þeir komast upp með nánast hvað sem er því þjóðin er svo föst inní vítahring þess að vinna fyrir skuldunum og jeppanum og matnum að hún hefur ekki orku til að mótmæla. En nú er öldin önnur. Héðan í frá ætla íslendingar að mótmæla þegar þeim ofbýður mikilmennskubrjálæði stjórnvalda og Ómar er maðurinn sem mun sjá um að skipuleggja herlegheitin. Ég er tilbúin með spjöldin til að mótmæla því að Árni Johnsen er á leiðinni aftur í stjórnmál og að sakirinar gegn honum voru felldar niður!! Er reyndar aðeins of seint í rassinn gripið með það en það þýðir ekki að hugsa svoleiðis, bara að mótmæla öllu óréttlæti og hingað og ekki lengra!!!!!!!!!!!!!!!!!!!!!!!!!!!!!!!!!!!!!!!!!!!!!!!

Svo hinn gjörningurinn, slökkt'á ljósunum og horfðu á stjörnurnar, var í gær. Ég þekki konu sem sagðist reyndar ætla að kveikja á öllum ljósunum í íbúðinni sinni til að mótmæla þessu en það hlýtur að vera afleiðining nýtilkomins mótmælendaæðis sem skekur landann. eníhú þá slökkti ég á ljósunum því ég er kind sem fylgir hjörðinni sinni og fór út og labbaði um hverfið og það var ca. slökkt í öðru hverju húsi. Sem þýðir að 50% hverfisins eru kindurm, hinir eru bara myrkfælnir. Sáum engar stjörnur þetta kvöld en fullt af áttavilltum kindum sem ráfuðu um göturnar eins og uppvakningar. Þetta var gaman. Hressandi bara. Já, ég myndi slökkva aftur á ljósunum að ári, held það bara. ´

jæja, ég er komin með vinnu. Já, ég sagði ykkur þarna úti að ég yrði komin með vinnu fyrir mánudaginn 2.okt, sama hvað það kostaði. hehe. Er að fara í draumadjobbið, er að fara að bera út póst, s.s. fæ borgað fyrir að hreyfa mig. Ekki amalegt það. En þessi vinna hentar örugglega vel með söngnum. Get raulað lögin mín í hausnum á meðan ég geng um göturnar og gæjist í lúgur. Svo ætla ég að vera með mp3 spilarann minn í eyrunum og perralúkk í augunum :P jább held það bara (uppáhalds frasinn minn þessa stundina).

Er komin með nýja fartölvu. Takk Joey bró :) Var komin með fráhvarfseinkenni á háu stigi. Sprúðlandi fínt að geta downlodað aftur.

2006-09-15T14:48:00.000-07:00

Vinkonuknús!

Miðaleikurinn klikkar ekki þegar myndavélin er í spilinu ;)

...Where everybody knows your name bamm bamm bamm, and their always glad you came bamm bamm bamm, you wanna be where everybody knows your name......

Sumri hallar hausta fer

2006-09-12T13:28:00.000-07:00

Það er komið haust.Laufin eru farin að visna á trjám og þau lauf sem hafa fallið

alltof snemma liggja einmanna á stéttum og í grænum görðum sem bíða þess eins að haustið blási endanlega sinn marglita dóm yfir allt. Mér finnst haustin yfirleitt frábær tími því haustin eru tími breytinga en ekki eru allar breytingar okkur í hag. Það er eitthvað svo tómlegt loftið þetta haust. Vindurinn er ekki hlæjandi og hvíslandi leyndarmál um framtíðina, hann er kaldur og hæðist að okkur sem stöndum og horfum á einmanna laufblöð með ótal spurningar í augunum.

Það er komið haust

Guðmundur Sigmundsson f. 15.apríl 1934 d.25.ágúst 2006

2006-09-07T15:09:00.000-07:00

Elsku afi minn, mikið óskaplega á ég eftir að sakna þín þó að ég viti að nú sértu á betri stað þar sem engar þjáningar geta hertekið líkama þinn og sál.
Margar minningar um þig koma upp í hugann þegar ég hugsa til æskuáranna. Ég man eftir því að ég kallaði þig bítlaafa. Já, ég hélt lengi vel að þú hefðir verið einn af bítlunum því mér fannst þú alltaf með svo flotta bítlahárgreiðslu. Ég montaði mig mikið af þér við vini mína sem áttu bara venjulega afa með bumbu og enga sérstaka hárgreiðslu. Svo varstu alltaf svo ungur í anda og það skein alltaf í prakkarasvip í blíðlegum augunum.
Ég er eilíflega þakklát fyrir þann tíma sem við áttum saman þegar ég fékk að búa hjá þér og ömmu í Gnoðarvoginum. Þar komst ég að því að ég ætti alveg heilmikið sameiginlegt með þér og við urðum góðir vinir. Þær eru ófáar stundirnar þar sem við ræddum daginn og veginn og þá sérstaklega pólitíkina. Þar sem þú varst voru alltaf fjörugar og áhugaverðar umræður og ég er ekki frá því að ég hafi oftar en ekki verið þér sammála um svo margt.. Þú hafðir svo sterkar skoðanir og mikla réttlætiskennd, fylgdist mjög mikið með fréttum og máttir helst ekki missa af einum fréttatíma, enda kom ég aldrei að tómum kofa hjá þér varðandi eitt né neitt. Ég hef oft bölvað því að hafa ekki erft stærðfræðigreindina frá þér því þar varstu algjör snillingur.
Ég á eftir að sakna þessarra stunda með þér en fyrst og fremst mun ég geyma þær í huga mínum og hjarta og þakka fyrir að hafa fengið tíma til að njóta þeirra.Tíminn getur verið svo mikil skepna, allt í einu er sá tími sem höfðum með þér allur og mikið finnst mér það erfitt. Þú stóðst þétt við bakið á mér á erfiðu tímabili í mínu lífi og oft hef ég hugsað útí það hvað það skipti mig miklu máli og því mun aldrei gleyma. Þú varst yndislegur afi og ekki síst yndisleg manneskja sem ég mun alltaf virða.
Ég sé þig fyrir mér fyrir utan bústaðinn góða á Þingvöllum með pípuna og gleðiglampann í augunum.
Ég ætla að biðja guð að geyma þig elsku besti afi minn og veita ömmu minni og fjölskyldunni styrk á þessum erfiðu tímum.

Kristín Erla

.....

2006-08-19T08:17:00.000-07:00

...well heaven dosen´t want you and hell is full...

(Tom Waits, dirt in the ground)

Hello Kitty farðu í ræktina!!

2006-08-10T13:05:00.000-07:00

Rosalega er ég búin að vera lélegur bloggari. Geri voða lítið annað en að vinna og velta fyrir mér hversu hratt tíminn líður á meðan tíminn líður.

Erum að fara í sveitina á morgun. Ohhh hvað það verður yndislegt að komast útúr Reykjavík, missi reyndar af gay pride, en kannski finnum við "the only gay in the village" í sveitinni og drögum hann með okkur í göngutúr :) það væri geysilega gaman. En allavega þá er kominn tími á að hreinsa lungun af stórborgarmeinguninni og fylla þau af sveitaloftinu hreina og tæra og horfast í augu við sauðkindina sem er svo hortug eitthvað og pirruð útí okkur höfuðborgarbúana, "þið þarna fyrir sunnan hafið ekki migið í saltann sjó og allt það". Hlakka svo til að endurnýja kynni mín við Hyrningstaði og hoppa yfir lækinn og drullumalla í búinu og týna geislasteina í fjallinu og fela mig fyrir örnunum sem fljúga stundum yfir. Ég man eftir því að mesta drama sem gat komið fyrir í sveitinni var þegar helv. rolluskjáturnar viltust inná lóð og þá af einhverjum ástæðum sem ég fattaði aldrei almennilega varð fjandinn laus. í minningunni þá var mar alltaf að borða þegar þær virtu okkur með nærveru sinni og þá varð að henda frá sér brauðinu og hlaupa eins og fætur toguðu út og öskra á ræflana og reka þær í burtu. jisús hvað mér fannst ég öðlast mikinn tilgang en ekki nærri eins mikin tilgang og ég hafði með ormana. Ég var nefnilega ormatýnari númer eitt og enginn í sveitinni var jafn snögg að stökkva á þá og þótt víðar væri leitað. Tók þetta starf mitt mjög alvarlega. Enda þróaði ég með mér tækni. Ef þú ert ormur stekk ég eins og gormur. Kannski ég fari útí business? Ætli ég hafi ennþá þessa hæfileika? Tjékka á því í sveitinni. Dagmar vinkona er sú eina sem þorir með. Allir aðrir þykjast hafa eitthvað annað að gera þessa helgi. Þessi borgarbörn eru svo hrædd við að fara útá land. Hvað þá ef minnst er á vestfirði þá verða allir voða uppteknir :P hehehehe...

svo er ég að byrja í einkaþjálfun með Ellu systir og Kristínu Bergs. Og fyrir algjöra tilviljun þá heitir einkaþjálfarinn okkar Kristín Ella! Kannski við köllum okkur bara eftir fituprósentunni okkar í staðinn. úff kvíði nú smá fyrir vigtuninni og mælingunum en er svo ákveðin í því að ná árangri að það verður bara skemmtilegt challenge :)

ji ég verð að segja að mér finnst nú samt frekar úrkynjað þegar 5 ára börn eru að tjá sig um að Hello Kitty sé of feit!!! Hvað er málið? Ótrúlegt hvað þau byrja snemma að pæla í þessu. Finnst þetta alltof snemmt.

....Hello fatty.....

Síðbúnin ferðasaga

2006-08-03T12:25:00.000-07:00

komin heim og ítalíuferðin orðin góð minning sem hægt er að ylja sér við í bláköldum hversdagsleikanum.

Jidúdda hvað var gaman! Nenni ekki að skrifa ferðasögu, þið sem þekkið mig hafið fengið the dirty details beint í æð. Við lentum í smá hremmingum í lok ferðarinnar sem sona eftir á gerir ferðina bara ennþá meira eftirminnilega. Við gerðum ekki ráð fyrir því að bóka gistingu síðustu nóttina, þannig að þegar við komum ósofin eftir næturlest til Munchen og sveitta lestaferð til Friedrichshaven þá var það eina sem komst að hjá okkur var að finna hótel og sofa! En þegar við komum í bæinn þá komumst við að því að það væri Pulsu og Bjór festival sem staðið hafði í 3 daga og enga gistingu var að fá þótt leitað væri útfyrir bæinn. Úff, þá hófst mikil leit að tjaldstæði í 38 stiga hita og þegar við fundum svæðið loksins þá tjáði úrill kona í afgreiðslunni okkur það, á mjög bjagaðri ensku, að engin tjöld væru til leigu þannig að við þyrftum að vera með okkar eigið tjald. Og þá hófst leitin mikla að tjaldi, sem endaði náttlega á því að tjaldabúðin var lokuð þegar við komum þangað! jeij..þá var ekki annað í stöðunni en að skella sér í pulsu og bjór gryfjuna og geispa framan í örlögin!! Fundum okkur síðan girnilegt tré til að sofa undir, það er ekki eins og mar geti ekki treyst fullum þjóðverjum fyrir því að láta mann í friði! Fólk sem getur borðað svona mikið að pulsum og spilað svona hræðilega hallærislega tónlist getur ekki verið hættulegt.
ohhh gæti hugsað mér að búa á ítalíu! Feneyjar voru algjör draumur og Garda vatnið! Fórum til Veróna líka sem er yndisleg borg. Gat náttlega ekki verið þekkt fyrir það að fara ekki að sjá Óperusýningu og fórum á Carmen í risastóru rómversku hringleikahúsi! 4 kl. sýning með hestum og ösnum (og fólki). Tókum auðvitað Íslendinginn í útlöndum á þetta og brunnum illilega en það fylgir bara.

Ætla bara að leyfa myndunum að tala. Ítalíumyndir undir Myndir hér til hliðar!!

13 dagar í bakpokaferð

2006-06-28T11:00:00.000-07:00

Tel niður dagana, erum að fara útlendis eftir nákvæmlega 13 daga! Ferðinni er heitið til Fridrichshaven í suður þýskalandi og þaðan ætlum við að skottast með lest til ítalíu og ferðast bara eitthvað útí bláinn þaðan. Shit hvað ég hlakka til og ég held að ég sé að þróa með mér mjög þráhyggjulega hegðu. Sko í fyrsta lagi verið ég að tala um ferðina við ALLA og helst verður umræðuefnið að snúast um allt tengt ferðinni. Ég eyði ómældum stundum á veraldarvefnum að gúggla staði sem ég ætla að skoða og svo er ég búin læra utan af trrilljón hostel og skoða myndir af ótrúlegustu stöðum sem hægt er að gista á þar á meðal eldgamla kastala og forláta vita! Svo má ekki gleyma google earth þar sem ég get skoðað löndin vandlega séð frá gervihnetti. Er líka búin að sökkva mér oní hvað er í gangi hvenær sem er mjög skemmtilegur vefur fyrir þá sem vilja vita hvað er um að vera í heiminum jeeeij tjekk it át whatsonwhen.com

Svo bara svo þið vitið það þá á ég örugglega ekkert eftir að batna þegar ég kem heim, þá taka við myndir og sögur sem verða vonandi bullandi skemmtilegar og góðar ;)

Nú er líklega stefnan tekin á það að kíkja í heimsókn til Sigurjónu frænku sem býr við Garda vatnið ásamt manni sínum Kristjáni Jóhannsyni óperusöngvara. Það væri náttlega frábært að kíkja í ekta ítalskt kaffi og fá svona inside skúbb um hvað er eftirsóknarvert að gera og sjá.

Sá að það verður svaka flugeldasýning og læti í feneyjum 15. og 16. júlí sem er akkúrat tíminn sem við verðum á þessum slóðum og um að gera að kíkja á það. Það er víst ein stærsta flugeldasýning í evrópu sem hefst á miðnætti og mar getur tjillað á skreyttum gondólum og svo er víst farið á strönd þar nálægt og horft á sólarupprásina. Hljómar vel. Svo er aldrei að vita hvar við endum, líklegast förum við meðfram adríahafinu og í litla krúttbæinn Piran í Slóveníu og Portoroz þar sem ég fór í útskriftaferð, en nenni ekki að hangsa þar í þeim túristabæ. Svo er ég eitthvað að láta mig dreyma um Ungverjaland, finnst það eiginlega algjört möst.

Svo er ég að hætta á leikskólanum í haust. Þarf að fara að finna mér aðra vinnu fyrir haustið. Ég elska breytingar og er því full tilhlökkunar. Kannski spurning um að ég finni eitthvað sem ég endist í? Hver veit. Ég mun allavega seint teljast staldra lengi við á hverjum stað! En mér finnst um að gera að prófa sig áfram og þora að breyta til.

pönkið lifir!!!

2006-06-14T08:35:00.000-07:00

jæja pípól, fékk 8, 3 fyrir söngprófið mitt sem er ágætt miðað við að næstum því einn heill var dreginn af fyrir nótnalesturinn :) er bara búin að taka þetta í sátt og stefni á níuna næst.

Birna tengdó til hamingju með 60 ára afmælið í dag!!!!
það var sko heldur betur fjör í afmælinu um helgina í Skorradalnum, alveg yndislegt sko. Ég tók lagið og svo eftir formlegan einsöng þá sleppti ég mér algjörlega í gólinu við gítarspil fram eftir nóttu ;) Það eru ekkert nema tónlistarsnillingar í þessari ætt og svo stofnuðum við kór líka, ekki amalegt það. Ég mun seint gleyma korters útgáfunni af knocking on heavens door sem ég og Siggi frændi hans Þórðar fluttum í hörku spinni. Ji hvað er gaman að spinna svona.

Klassíkin bíður nú ekki beint mikið uppá spinnerí. Þar er allt spurning um aga og reglur, svo er það röddin sem fær að spinna innan ákveðinna marka samt. Það er svo mikil útrás að fá að sleppa sér svona í söng án þess að hafa áhyggjur af því að hver nóta hangi á sínum stað og hver taktur sé heilög ritning. Hvernig væri að fá smá pönk inní klassíkina? Ekki spurning um hvað þú getur heldur hvað þú gerir! Kannski væri hægt að flytja Mozart í pönk útsetningu. Ramónesískur Mozart? Er viss um að það kæmi vel út, en þá er spurninig sú hvort þá séu ekki einhver tónskáld þarna úti sem eru fullir af hljómfræði og allri þessari tónlistavisku sem myndu útsetja verkið og þar af leiðandi erum við hvort eð er með "hvað þú getur".

Anarkisminn er frekar heillandi en svo innilega ónothæfur, svona falleg hugsun eins og kommúnismi en virkar ekki á okkur mannkynið. Við erum soddan eiginhagsmunaseggir. Við leitum í valdið og lög og reglur, því annars færi allt í steik, það er ekkert hægt að treysta okkur fyrir því að ana eitthvað útí bláinn með ramónesískan Mozart og anarkí í hjarta. Ekki hægt að treysta okkur fyrir því að deila öllu jafnt, því let´s face it það dregur úr okkur metnað á að standa okkur og vilja skara fram úr. Viljum við ekki alltaf fá eitthvað í staðinn?
Ich liebe dich und du liebst mich dæmi....

pælið í því að Bandaríkin eru e.t.v. að fremja sömu glæpi og naziztar í seinni heimstyrjöldinni gagnvart "hryðjuverkamönnum". Og komast upp með það eins og þeir gerðu. Guantanamo fangelsið er ekkert annað en "fegruð" útgáfa af útrýmingabúðunum og þessar útrýmingabúðir þeirra geta verið útum allan heim. Þeir geta tekið hvern þann sem þeir vilja og plantað honum í fangelsi án dóms og laga, drepið án dóms og laga og kennt Allah um. Allt er leyfilegt í stríði gegn hryðjuverkum og við vitum líklega minnst um hvað er í gangi. Það kæmi mér ekki á óvart ef eftir nokkur ár þá kæmi hryllingurinn almennilega í ljós og ætlum við þá að láta eins og okkur hefði aldrei dottið það í hug? Hvernig gat þetta gerst fyrir framan augun á okkur? Alveg eins og viðbrögð þjóðverja við útrýmingarbúðunum?

Heimur versnandi fer eða heimurinn breytist ekki neitt. Við lærum allavega ekki af mistökum svo eitt er víst því það er byrjað að endursýna Beverly hills og Melrose place.....

2006-05-22T12:58:00.000-07:00

það er ekkert smá langt síðan ég hef bloggað og ég hef góða ástæðu fyrir því. Takkaborðið mitt tók uppá því að hætta að skrifa h og g, þá merku bókstafi. Fannst ég vera hálf fötluð á þessara stafa og fattaði hvað þeir eru nú mikilvægir.

Skólinn er búinn hjá mér og ég er ekki ennþá búin að fá niðurstöður úr stigsprófinu mínu, sem mér finnst fáránlegt! prófið var sko 6.apríl. Þetta strandar víst allt á einhverju konu greyji sem situr á haug af stigsprófum og fer yfir þau ÖLL og ekki bara söng heldur líka hljóðfæraprófin. Næs djobb! Það er sko eins gott að hafa aukamanneskju sem fer yfir þessi próf því varla er hægt að treysta prófdómurunum fullkomnlega að meta það sem þeir einir heyra. Ekki veit ég hvernig kona sem situr á skrifstofunni sinni getur mögulega metið það hvort einkunnin sé of há eða lág, ekki eru neinar hljóðupptökur til.

Það verða breytingar hjá mér næsta haust því ég er hætt í tónó. Kennarinn minn hætti þar og auðvitað fylgi ég henni eins og skugginn og verð hjá henni í listaháskólanum í tímum þangað til að ég sæki um þar sjálf. Þarf að klára þetta bóklega og þá get ég tekið inntökuprófið. Svoldið skrýtið að vera hætt þarna, er búin að vera í tónó með hléum frá 2001. En af einhverjum ástæðum þá hafði ég ekki sótt um þar fyrir næsta haust, vissi innst inni að ég yrði ekki þar næstu önn. VVúúhúú ég er svvvo skyggn ;)

Við skelltum okkur á Motion Trio sem var hérna á vegum listahátíðarinnar. Geggjaðir tónleikar. Þeir spila "harmónikku tekknó". Er komin með æði fyrir harmónikkunni. Frábært hljóðfæri og sérstaklega hvernig Motion Trio spilaði á þær. Mar tengir nikkuna ósjálfrátt við gömlu dansana og elliheimilin en ekki lengur, ný upplifun en ég er reyndar viss um að það er fínt að dansa gömlu dansana við lög motion trio.

Kosningar úfff púfff skúfff. Jæja ég er ennþá að veltast á milli vinstri grænna og samfylkingarinnar. Verð bara depressed á að horfa upp á fyrrverandi framsókn að kveikja í sér í auglýsingum. Viljhjálmur minnir mig á Jóakim aðallönd á róandi. Man ekki eftir hinu liðinu. Fékk samt vatn í flösku frá pétri blöndal í kringlunni í dag. Hressandi. En fæ líka vatn úr krananum mínum án xD stimpilsins. Ég þorði ekki að láta sjá mig með flöskuna, faldi hana í töskunni á meðan þórður hennti henni í ruslið :S

4 ár í dag...and the beat goes on...

2006-05-10T10:47:00.000-07:00

hinn óbærilegi kjánaskapur tilverunnar

2006-05-04T09:08:00.000-07:00

orðin mosavaxin af áhyggjum. mér líður eins og gömlum ketti sem hefur aldrei lært að pissa í kassa og veit að kattahimnaríkið bíður með öllu sínu catfight og catwalki. gamla góða karmað stendur fyrir sínu, ekki satt? ekki það að ég viti hvað er satt lengur er búin að vera of lengi í draumalandi til að meta það. hvort er betra draumaland eða ekki draumaland? bæði betra eða bæði verra kannski? að taka ákvörðun sem er ekki svo erfið að taka en hefur hangið yfir mér eins og þrumuský í nokkur ár og er algjörlega að blokkera sólina fyrir mér. það versta er hvað þetta er lítið skref en samt svo óyfirstíganlegt að ég færi frekar í fallhlífastökk. svo þessi sektarkennd yfir því hvað ég er mikill kjáni og allt það. hvort er betra að vera kjáni eða bjáni? kjáni hljómar betur. ohhh kjánaprik. svo vildi ég óska þess að ég gæti bara verið bjánaprik og hætt að velta mér uppúr þessu rugli sem er samt svo mikið órugl að ég bara er alveg að ruglast í ruglinu og ruglipugli plafff. ég er ekkert dramatísk er það?

Corkys og Hveragerði

2006-04-25T14:51:00.000-07:00

geðklofaveður alltaf hreint. ákváðum á sunnudeginum "í góða veðrinu" að skella okkur í bíltúr útúr borginni og af einhverjum ástæðum varð Hella fyrir valinu. þegar við vorum nýskriðin á Hellisheiðina þá skall á þvílíkt óveður og haglél og læti bara. sorglegt en satt þá enduðum við á því að rúnta um Hveragerði og fá okkur ís í eden í grenjandi rigningu. mjög hressandi og sunnudagslegt. mér finnst eitthvað svo fullorðins við að fara í sona sunnudagsbíltúra. verð bara að fara á Hellu næsta sunnudag ef veður leyfir. extra fullorðinsstig fyrir það.

fór í Freyjugötuteiti á föstudaginn til Ester. og okkur til mikillar undrunar þá kláraðist Corky´s vínið ógeðslega. það eru s.s einhverjir þarna úti nógu desperate til að drekka áfengi sem bragðast eins og hænsnaskítur, reyndum að koma því út á vafasömu tímabili í afmælinu mínu en fólk var greinilega ekki alveg búið að deyfa bragðlaukana og önnur skynfæri. Ester þú ert snillingur í að velja ógeðslegt vín ;) Corky er örugglega stoltur af þér!

ætli corky drekki corky´s?

bíð bara spennt eftir niðurstöðum úr söngprófinu mínu. er bara svekkt yfir þessu með nótnalesturinn, veit ég get betur.

páskaljóð

2006-04-18T09:52:00.000-07:00

nú páskahátíð liðin er

og át ég voða mikið

en egg mitt var á stærð við ber

þeim mun betra fyrir vikið

ég fór í borgó laus við borg

og í skorradalinn líka

vorum alveg laus við sorg

það gerir alla ríka

nú heim erum komin á vifilsgate

við tekur lífið lúfið

í vinnu mættum bæði late

hið ljúfa líf er búið

horhorhorhorhor og ammæli

2006-04-05T16:11:00.000-07:00

.......ég á ammælídagég á ammælídag égá ammæli ééééeeg ég áammælídag jeiiijjjjjjjjjjjjj......

gavuð ég er orðin 26 ára. hver hefði trúað því að ég næði svona háum aldri miðað við öll höfuðhöggin í æsku. Dagurinn í dag var þó helgaður stressi og djúpsteiktum mat og hori. Ég fer í prófið mikla á morgun og hnúturinn í mallanum er búin að öðlast sjálfstætt líf og held hann sé farinn að narta örlítið í taugarnar.

hversu mikið hor getur eitt lítið barn borið spyr ég bara?

En þrátt fyrir hor og stress þá er þetta bara búin að vera ágætis ammælisdagur. Fyrir utan það að ég gleymdi því bara að ég ætti ammæli og þegar fólk óskaði mér tli hamingju þá sagði ég bara "ég er ekki búin í prófinu". þið vitið s.s. um hvað ég er að hugsa og bið alla afsökunar á því hvað ég er utangátta og uppí fjöllum að tralla eitthvað með sjálfri mér en á laugardaginn ætla ég að bæta ykkur það upp með páskateiti. Ef ykkur langar óstjórnlega til í að vera í páskaungabúning eða bara vera í gulu þá væri það bara hressandi sko en ekki nauðsyn. just be your selves beautifull pepole!

Guð blessi ykkur lömbin mín stór og smá og sjámst á laugardaginn í páskagáska :)

Hvað er málið með mig og bíla?

2006-03-29T14:12:00.000-08:00

Þeir mega ekki sjá mig þá missa þeir púströrið niðrum sig!

Vík frá mér flensa!

2006-03-24T10:20:00.000-08:00

jæja þá er ég næstum því búin að vinna í mánuð á leikskóla og er ég búin að vera veik meira og minna. Sem og aðrir starfsmenn á deildinni. En þetta fylgir því víst að vinna með börnum, þau eru gangandi flensuberar. Stórhættuleg kvikindi. Sagði þetta ekki. En eníhú þá er ég svona öll að braggast með uppáskrift á sýklalyf í töskunni, get ekki beðið með að úða þeim í mig, ég þrái bókstaflega heilbrigði. Dreymi um þær stundir þar sem ég gat sungið og hoppað og skoppað án þess að fá aðsvif. Ég á í love and hate sambandi við klósettpappír og hlakka til að takast á við lífið án hausverkja. Fyndið ég var akkúrat áðan í Hjálpræðishernum og heyrði á tal nokkurra kellinga um sjúkdómana sína og hvað þær hefðu nú fengið og sona deildu þær sjúkrasögum sínum af mikilli innlifun og tilfinningu, við höfum öll been there, en mikið skil ég þær vel því eins og þetta blogg ber með sér þá hef ég mikla þörf fyrir að ræða flensuna mína við hina og þessa. Ég hélt ég myndi aldrei verða þessi týpa en byrjiði að vinna á leikskóla og þig vitið hvað ég á við. Ég er meira að segja búin að greina flensutýpuna mína og séð að hún er ekki við eina fjölina felld. Hún læðist fyrst um beinin, þannig að þau emja við minnstu snertingu, hún ferðast uppí haus og niður hálsinn og ofan í lungunum líður henni vel, hún situr á raddböndunum eins og fíll og hlunkast ekki í burtu þrátt fyrir engifer og hvítlauks tilraunir, hún flytur síðan uppí ennisholur og kinnholurnar og stíflar allt með frekju sinni svo lætur hún fara vel um sig í nebbanum og draslar allt út í grænu slími. Ekki skemmtilegur félagskapur. Og miðað við hvert þetta blogg er að fara þá er ég það ekki heldur....

s.s. ég er með flensuna. Og ég er að fara í mjjööög mikilvægt kærkomið stigspróf eftir tvær vikur og ég er raddlaus. Mér líður eins og hálfri manneskju eða eins og það vanti á mig útlim þegar ég er raddlaus. Það er bara skelfilegt. Ég er brotin í röddinni. Og eins og þeir sem þekkja mig þá er ég með læknafóbíu, sem var by the way skrítið þegar ég var að vinna á móttöku á landsítalanum innan um trillján lækna, en þar sem ég er nú ekkert slæm heilsufarslega þá er það ekki svo mikið að hamla mínu daglega lífi þar til núna. Það var ekki fyrr en Þórður pantaði tíma fyrir mig að ég druslaðist. Og það var ekkert svo slæmt. Ég lýsti þessu ferðalagi sem flensan hefur farið inní mér og hversu lengi ferðalagið hefur staðið yfir og hversu miklu messi hún hefur valdið mér. Og dúdúdrú PENSILÍN. Nú er ég farin að endurtaka mig og ef ég hætti ekki að skrifa þá mun ég halda endalaust áfram að tíunda þessa lífsreynslu mína sem ég er viss um að þið hafið öll reynslu af og getið því sett ykkur í flensusporin mín og samúðarhnerrað með mér.

takk fyrir tyggjóið!

2006-03-18T03:23:00.000-08:00

Svaf ekkert í nótt....Hef svo miklar áhyggur af efnahagslífinu og af ákvörðun BNA að hætta starfsemi hersins hér á landi.....Við erum sama og dauð sko.... Held að Danir noti tækifærið núna og bombi okkur aftur í moldarkofana.....muahahahahhahaahhaah.......

æji er ekki bara gott að vera laus við þessa þotu? Er það ekki annars bara ein þota? Ó mæ hef oft verið að spá í því hvernig það sé að vera í BNA hernum og vera shifted to Iceland. Svoldið svona eins og að vera rosa íþróttamaður og keppa á ólympíuleikunum fyrir fatlaða. En ekki það að ég sé að gera grín að fötluðum sko. Er mjög hlynt fötluðum og öllum minnnihlutahópum. Eins gott að halda pólitískri rétthugsun á þessum erfiðu tímum. Ég er sjálf andlega fötluð stundum. Enda bara gott um andlega fötlun að segja. Annars færu lyfjafyrirtækin á hausinn. Ohh ég er komin svooo langt frá Ísland úr Nató herinn burt. Skil ekkert í því að við séum núna eitthvað að væla af því að herinn er að fara? En samt ef við pælum í því þá hefðum við aldrei hlustað á Elvis eða japplað á tyggigúmmí ef herinn hefði ekki komið til landsins og gert hosur sínar grænar fyrir íslensku kvenfólki. Meira ástandið. Við værum líklega bara á sauðskinnskóm og með hor í nös ef ekki væri fyrir the great americans. Bara til prins póló í búðunum og Ora fiskibollur og Rússneskt bensín á bílinn. Ekkert sjónvarp á fimmtudögum.
takk fyrir tyggjóið og auf widersehen!

í framhjáhaldinu

2006-03-11T14:09:00.000-08:00

....er að halda framhjá blogginu með myspace um þessar mundir veit ekki hvort þetta samband eigi eftir að endast eða hvað en það er spennandi. Er samt ekki til í að missa bloggið sko verð að reyna að sannfæra það um hvað ég elski það mikið, hitt er bara flíng. Eða hvað? jæja best að drífa sig á myspace...

tékk itt ádd www.myspace.com/kristinerla

Fugladansinn bannaður á íslandi af ótta við fuglaflensuna

2006-03-04T10:24:00.000-08:00

Já það er vandlifað í þessum heimi. Við vitum öll eitt og það er að við munum einhvern tímann deyja. En við vitum ekki hvenær, eða allavega ekki við sem erum óskygn. Þannig að við eyðum miklum tíma í að hugsa um það hvenær við deyjum og aðallega úr hverju við munum deyja úr. Og þökk sé okkar upplýsinga samfélagi þá höfum við úr miklu að moða. Þetta minnir mig svoldið á leik sem við krakkarnir lékum okkur í sundi sem hét "hvernig viltu deyja". Þá átti maður að standa á bakkanum og velja um eitthvern "skemmtilegan" dauðdaga og hoppa svo með tilþrifum útí djúpu laugina. Ég man að ég valdi oftast það að springa í loft upp.

Alltaf þegar ég keyri útúr hverfinu mínu þá sé ég skrifað stórum graffítí stöfum á vegg við gatnamótin HEIMSENDIR JÚLÍ 2006, held ég. Það eru alltaf einhverjir jólasveinar að spá heimsendi. Og hver man ekki eftir 2000 vandanum? Eini vandinn þá var að fá leigubíl í bæinn að mig minnir. Ég man eftir umræðunni um útfjólubláa geisla sem tröllreið byrjuninni á tíunda áratugnum. Ég hef verið svona rétt um 9 ára aldurinn þegar ég var að labba heim til mín eitt vetrarkveld á patró þegar útfjólublá ljós tóku að skekja himininn og var ég svo hrædd að ég hélt ég væri komin með geislun á háu stigi. En þegar ég kom heim skelfingu lostin um að ég væri geislavirk þá kom það náttlega í ljós að þetta voru norðurljósin. Ókei var extra paranoid krakki. En þegar mar er krakki þá er allt svona svo obboslega ógnvekjandi. Í dag er það fuglaflensan og krakkar eru orðnir skíthræddir við fugla. Tek dæmi úr leikskólanum, einn patti var úti að leika sér og sá krumma fljúga á milli ljósastaura minding his own buisness þegar hann öskrar fuglaflensu fugl! Þetta minnir mig bara á mig og "útfjólubláu ljósin". Svo eru það blessuðu gemsarnir sem eiga að valda okkur heilaæxlum, ein kona sem var á deildinni á hrafnistu horfði ekki á sjónvarp, hlustaði varla á útvarp vegna ótta við bylgjurnar. Við erum öll, mis mikið auðvitað, svoldið gegnsýrð af ótta við það sem fjölmiðlarnir matreiða ofan í okkur af miklum eldmóði. Og af einhverjum ástæðum þá erum við alltaf að einblína á eitthvað mjög hæpið og fjarlægt okkur í staðinn fyrir að skoða vandann þar sem hann er mestur í heiminum. Hungur, Alnæmi í Afríku, afleyðingar stríðs, Náttúruhamfarir og skortur á basic lyfjum í þriðja heiminum er miklu stærri og meiri vandi sem blasir við NÚNA. En af því að við höfum það svo gott þá höfum við tíma til að velta fyrir okkur möguleikanum á því að deyja úr fuglaflensu þegar við eigum meiri möguleika á því að vinna í lottói.

að lokum finnst mér við hæfi að syngja

þið munið öll, þið munið öll, þið munið öll deyja
þið munið stikna þið munið brenna þið munið stikna þið munið brenna
dauðinn situr á atómsprengju hann fer ekki fram hjá

motmælum þvi að solla stirða var i 8 sæti sem kynþokkafyllsta kona islands

2006-02-26T14:43:00.000-08:00

Mæli með þessu i kjölfar umræðunnar um Geir Ólafs !

http://veftivi.visir.is/veftivi/main.do?treeId=2001&progId=12165&itemId=11518

Fuss og Sveijattann!!!

2006-02-22T16:04:00.000-08:00

ojjjjjjjjbara!!!

.... var í sakleysi mínu að skipta yfir á Sirkus og sá þar Geir Ólafs að ríða dúkku.......

...maðurinn er náttlega eitthvað geðveikur og ég skil ekki hvað þeir þarna kallarnir halda að þeir séu að græða á því að hafa hann með sér því auðvitað eru þeir bara að gera grín að honum, eins og allir. Þetta var bara ógeð. Það er ekki hægt að hafa húmor fyrir kvenfyrirlitningu!

Hef heyrt sögur um hvernig hann kemur fyrir í þessum þáttum og það er alveg ótrúlegt að hugsa til þess að þessir þættir eru pottþétt ætlaðir yngri áhorfendum. Er ég svona mikil tepra eða hvað? Þetta er allavega ekki fyndið og ætti ekki að sjást í sjónvarpi.

Mér er sama hvað Geir Ólafs gerir heima hjá sér og hversu vel hann er að sér í "dúkkufræðum". But plís ekki setja þennan mann í sjónvarpið með sinn pervertisma og kvenfyrirlitningu.

Klukk í borg

2006-02-21T09:17:00.000-08:00

Hún Petrína klukkaði mig og ég gat ekki annað en klukkast. Hérna koma niðurstöðurnar.

Fjórir uppáhalds sjónvarpsþættir, sem ég er að horfa á þessa dagana:

-Desperate housewives (algjörlega toppurinn í sjónvarpsþáttargerð)

-Project Runway og Catwalk (fatahönnuða raunveruleiki, þarna færðu flippuðustu týpurnar í raunveruleika sjónvarpi og þetta snýst um hæfileika og það er alveg ótrúlega gaman að fylgjast með hvernig "fötin verða til")

-Surface (spennandi þættir um ógnir undirdjúpanna úúúhh)

-Lost (er samt að missa áhugann en gef þeim séns for old time sake)

Fjórar kvikmyndir sem ég get horft á aftur og aftur:

-Muriels Wedding (yndisleg mynd um þunglynda stelpu með abba obbsession, hana dreymir um hið fullkomna brúðkaup og fer ansi langt til að láta drauminn rætast)

-Grease (útskýrir sig sjálft)

-Sideways (algjör gullmoli, svo lærir mar svo mikið um vín)

-Harold and Maude (um "ástir" unglingstráks við gamla konu, tónlistin hans Cat Stevens gerir myndina mjög eftirminnilega)

4 heimasíður sem ég heimsæki daglega, eða oftast:

-allar sem eru skráðar hér hjá mér
-mbl.is
-Torrentspy.com (download síða)
-vísir.is

Fjórar uppáhalds máltíðir:

-allt með kjúkling
-allt sem fæst á Austur-Indíafélaginu ummmm
-Kalkúnamáltíðin hennar Helgu
-Ítalskur matur er alltaf góður (of góður samt)

Geisladiskar sem ég get hlustað á aftur og aftur( ji þetta er eins og að gera uppá milli barnanna sinna en ég reyni):

-Debut með Björk
-I am a bird now með Antony and the johnsons
-What would the community think með Cat Power
-Misery is a butterfly með Blonde Readhead

já þannig fór það nú. En þá klukka ég bara Ester, Söndru og Rósu :)

Kerlu-Píp ehf

2006-02-17T05:49:00.000-08:00

Adam var ekki lengi í paradís og kerlan ekki lengi á Hrafnistu.

...það lítur allt út fyrir það að ég sé að skipta um vinnu, eða reyndar er ég komin með vinnu á leikskóla (leikskólum). Fór í þrjú vinnuviðtöl í gær og nú stend ég frammi fyrir ákvörðun um 4 fjóra vinnustaði og þar sem ég er bara eitt kerlu eintak þá verð ég að velja einn stað. Og ég er búin að ákveða hvert ég fer.

Á bara eftir að segja upp í vinnunni :S

ARRRg þetta er svo týpískt ég. jæja. Er búin að stökkva útí djúpu laugina í huganum áður en ég er komin að bakkanum. En kosturinn við þetta karíer múv er að ég fæ hærri laun og betri vinnutíma og áttatíu árum yngri krýli til að sjá um :) Frá gömlum börunum í aksjúallí börn. Já mér skilst á þeim sem ég fór í viðtal til að ég sé "áhugaverður" umsækjandi þar sem ég er í söngnámi og geti trallað eitthvað með litlu skinnunum. Jebbs, hver veit nema mar taki "óperukonuna" úr stelpunum á þetta!!!!! Það yrði vinsælt. En í alvöru þá hefur mig langað að gera þetta þegar fólk er að bögga mig og biðja mig að syngja bara si svona. "já, ertu að læra söng, syngdu fyrir mig". Og þá myndi ég syngja eitthv að popplag og algjörlega "óperukerlingugaula" lagið. Veit samt ekki alveg hvað ég græði á því að syngja illa en bara svona að pirra fólk skillru.

Ef ég væri að læra píparann myndi fólk biðja mig að rífa í sundur pípulagnir og sína hvað í mér býr? NEI...æji asnaleg líking...En bara að setja þetta í samhengi. OG þegar ég hugsa útí það þá var þetta ekki svo fráleit líking því að raddböndin eru þá pípulagnir og hérna ég er þá kannski vaskur eða eitthvað og....Nei þetta er ekki að gera sig Kristín.....
Það er víst ágætur peningur í píparanum! Kannski gæti það verið góð aukavinna með söng að vinna sem pípari. Gæti sameinað þetta tvennt og sungið í leiðinni fyrir fólk á meðan ég er að pípulaga.
...Nafnið á fyrirtækinu gæti verið Kerlu-Píp....pípa lagið á meðan ég laga pípið...

Svo er það bara áfram Sylvía Nótt á laugardaginn!!

Rómó í reykjavík

2006-02-04T11:49:00.000-08:00

Mí and mæ presjöss ætluðum að eiga svona "rómó" dag um helgina. En fyrst urðum við að velta því fyrir okkur hvað er hægt að gera rómantískt í reykjavík? Og niðurstaðan var Bláa lónið (laugardagslaugin var ekki alveg eins heillandi) En af óviðráðanlegum orsökum þá komumst við ekki í sóríasis pollinn heldur fórum við á flakk í borg óttans og komumst að því að það er virkilega ýmislegt að óttast í borg óttans.... Daddarrra....

...þar sem rúðuþurrkurnar á bílnum okkar eru í verkfalli og engar samningaviðræður í sjónmáli þá erum við í rosalegri hættu á að lenda í slysi but we like to live on the edge ;) og við lulluðum bara á 20 km hraða án þess að sjá út og vonuðum það besta.....

...lentum ekki í bílslysi ef þið hélduð það... er að reyna að halda spennunni sko...

Byrjuðum á því að borða snarl Í BÍLNUM eins rómó og það hljómar En fórum síðan á mjög svo yfirþyrmandi tónleika í Smekkleysu. Á gólfinu sat maður við fartölvu og bak við hann var svona dáleiðandi "kristallar að myndast" bull sem var alveg í stíl við þessa ömurlegu tónlist hjá þessum wanna be hippa sem heitir Greg eittthvað. Þarna voru nákvæmlega 6 manns fyrir utan okkur sem voru að ég held dáin úr leiðindum eða eitthvað því þau voru alveg stjörf. Ég hafði ekki mikla eirð í mér að hlusta á þetta og var eins og ofvirkur krakki.....Dró Þórð út áður en hann yrði stjarfur líka
....Kannski var þetta svo mikil snilld að mannlegt eyra einfaldlega getur ekki greint hana en líklega var þetta bara krapp.

.........................Og svo og svo og svo...eee..þá kom andrés önd með hjálparhönd...........

....þaðan lá leið okkar á Nýlistarsafnið,, þar sem við vorum sona rosaleg menningarfífl, og þar var Bibbi Curver með listasýningu á lífi sínu fram að þessu. Þar var ýmislegt hægt að skoða eins og t.d gamlar passamyndir af honum og vídeo af fjölskyldu hans að spila á hljóðfæri, já og svo var svona herbalife megrun í myndum sem var tekið yfir eitthvað tímabil. En þar sem ég var í sakleysi mínu að velta fyrir mér einhverri gamalli stílabók með krassi þá sé ég útundan mér nakin mann sem skríður með fram veggnum, hann skreið ekki heldur mjakaði sér áfram greyjið. Júbb þetta var víst sjálfur Bibbi að fremja gjörninginn "helvítis ánamaðurinn". Mjög sérstakt. Þórður var innst í salnum og varð ekki var við ánamaðkinn fyrr en hann kom á "hraðri" siglingu í átt til hans og lenti beint í myndbandsupptökunni þar sem viðbrögð hans voru mynduð í bak og fyrir. Viðbrögðin voru, ef ég ætti að lýsa þeim, vandræðaleg. Þar sem ég stóð þarna í fámennum hópi, líklega vina og gjörningaglaðra, fann ég fyrir óþægindum, eins og ég ætti ekki að vera að horfa á hann þarna í þessari fáránlegu aðstæðum og mér fannst líka óþægilegt að horfa ekki. Weird æ nó. Svona eins og að ég væri nú meiri lufsan ef ég horfði ekki og svo þegar ég horfði þá leið mér kjánalega.
JÁ! þarna kom það....Niðurstaða: Gjöringurinn "helvítis ánamaðkurinn" fékk mig til að líða kjánalega" Var takmarki sýningarinnar náð? Veit ekki... EN hvað veit mar yfir höfuð um list í dag. Listin er orðin svo landamæralaus að hún veit ekki lengur hvert hún á að snúa sér. Sem er að mínu mati alveg ágætt svo sem en ég held að margir klóri sér í nebbanum yfir þessu. En ef list fær mig til að líða "kjánalega" þá er það bara hressandi....

Ég væri til í að fremja gjörning!!!!

OG já hvar var ég? Jamms, rómantíkin...Tveir kjánar labbandi á laugarveginum hönd í hönd...

Keypti púða sem voru með nostalgígju ilm. Skrítið hvernig lykt getur framkallað minningar....

Um kvöldið fórum við svo út að borða á Tapasbarnum sem var æðislegt. Óggislega kósý :) En ég skal segja ykkur hvað er ekki kósý og rómó DUBLINERS! Fórum þangað í einn bjór eftir matinn og mér leið eins og ég væri stödd á sjúskaða barnum in the middle of nowhere í bandarískri bíómynd.

....Reykjavík er bara nokkuð rómantísk....

...er ég hugsa um slátur....

2006-01-31T16:52:00.000-08:00

jeijjeijeij er komin með myndir á síðuna.

Þær eru undir flokknum "myndir" hér til hliðar....mjög flókið ég veit....Setti inn myndir frá sumrinu svona til að byrja með....ohh hvað ég er stolt af þessu....úú behave....

já, það er skemmtilegt að skoða íslendingabók og sjá að ég er beinn afkomandi Egils Skallagrímssonar en veit ekki alveg hvort ég sé eins ánægð með formóður mína Þóru-brók og hann Kveldúlf-brunda-Bjálfsson. Ég get samt alveg bókað það að ættartréð er örugglega troðfullt af rangfeðrunum. Guði sé lof fyrir DNA prófin. Þannig að kannski er ég ekkert beinn afkomandi Egils Skallagrímssonar? Damnn. Sit kannski uppi með Þóru Brók og Ísleif Beltislausa :S
En hvað segiði um að taka aftur upp þessi skemmtilegu örnefni? Ég gæti orðið heppin og endað með eitthvað sætt og sniðugt eins og Kristín klára eða eitthvað soleiðis en huhumm líkurnar eru held ég meiri á að enda með eitthvað kaldhæðnislegt eða nastí. Er það ekki tilgangurinn?

Ég er nú svo óheppin að ég rak augað í blóm. Ég get ekki alveg bókað það en held að ef ég ætti skilið örnefni þá væri það Kristín-klaufi eða Klaufa-Stína.

Ég er svoooo fegin að janúar er farin í ársleyfi einhvert til útlanda og hlunkast svo með öll sín leiðindi aftur að ári liðnu. Það besta við janúar er þorrinn og úff ekki er það nú eitthvað til að monta sig af. Finnst samt alltaf æði að fara í árlega þorraveislu hjá ömmu og afa. Það er eitthvað svo notalegt að horfa á fólkið sitt japla á sviðakjömmum og lundaböggum og pína í sig hákarl. Með áherlsu á orðið "horfa". Ég borða bara minn harðfisk og hangikjöt eins og hæna, smekkleg hæna samt ;) Tilhugsunin um að Helgi-hrogn og Ólöf-eyðsluhönd átu sama matinn fékk mig næstum því til að smakka hákarl en svo fór ég að hugsa að ég væri svo pottþétt ekki alíslensk með alla mína svarthærðu, brúneygðu og suðrænu familíu, einhver formóðir mín hefur örugglega heillast af suðrænum sjómönnum sem hljóta að hafa litið út eins og himnasending miðað við hellisbúana hér á íslandi, kommon varla hefur Þórólfur-smjör eða Hrútur verið voða spennó!
Minningar um slátur koma uppí hugann. En það skemmtilegasta sem ég gerði í denn var að sauma sláturkeppina. Var samt oftast í því að skera mörina, sem var frekar fúlt. Tekur fólk slátur í dag? Ji, mér líður eins og ég hafi alist upp á fornöld þegar ég hugsa um slátur.

ohhhhhhhhhh nú verður það bara harkan í ræktinni ætla í fitness keppnina í vor :S
......minningar um slátur koma aftur í huga mér.........

Hverra manna er ég?

2006-01-25T07:05:00.000-08:00

Dósóþeus, Betanía, Oddur-leppur, Svertingur, Loðmundur, Þórvé,

Þorgeir-Örrabeinstjúpur, Skeggi, Heyangurs-Björn, Björn-buna, Þórður-dofni,

Helgi-hrogn, Ketill-Aurriði, Þórvé, Þrándur-Mjögsiglandi, Ísröður,

Þorsteinn-Þorskabítur, Hallbera, Reginleif, Þóroddur-hjálmur, klyppur,

ölmóður, Björn-austræni, Kjallakur-gamli, Gjaflaug,

Ketill-flatnefur, Hrútur, Emerentíana, Gissur-hvíti, Úlfur-aurgoði,

Hrafn-heimski, Auðunn-rotinn, Þórólfur-smjör, Helgi-magri,

Rafarta ,Auður-djúpúðga, Jórunn-mannvitsbrekka,

Þorkell-fullspakur, Þiðrandi-gamli, Gró, Otkatla,

Járngerður, Bótólfur, Ketill-gufa, Hrappur, Hjálp,

Hjör Hálfsson, Herríður, Mæfa, Hrifla, Hildur-stjarna, Þóra-hlaðhönd,

Kveldúlfur Brunda-Bjálsson, Berðlu-kári, Egill Skallagrímsson,

Ólafur-feilan, Þorbjörn-súrr, Ólöf-eyðsluhönd Oddný-skyrkerling, Elín-bláhosa

Þóra-brók Ísleifur-beltislausi Svarthöfði Skinna-björn Skeggjason Þórður-krákunef

(íslendingabók...)

,,,eitthvað sem ég hef mikið verið að spá í.....hmmm...

2006-01-20T15:19:00.000-08:00

Your Pimp Name Is...

Pimptress Tickler

What's" Your Pimp Name?

barúmbúmdisssshh

2006-01-19T09:31:00.000-08:00

eigi vil ég hornkerla vera.....

......ummm harðfiskur er góður................

.............................................partý hjá mér um helgina?

....was um das?

þeir sem dæma munu dæmdir verða....

2006-01-17T05:09:00.000-08:00

Ég er eitthvað svo óinnihaldsrík þessa dagana. Vantar í mig allt innihald svon eins og í DV. Er bara gangandi fyrirsögn, nei það er ekki einu sinni svo að ég hafi krassandi fyrirsögn, svo tóm er ég. Er algjörlega jafn litlaus og janúar. Verð kannski orðin grá í febrúar og brún í mars, vondandi eldrauð í apríl.

Held ég fari útí garð að búa til snjóengla.

Er að æfa sálma sem ég ætla að syngja í vinnunni í bænastund, ótrúlega er gaman að syngja sálma, hefði aldrei trúað því. Er örugglega haldin sálmafordómum. En það er alltaf gott að sigrast á fordómum sínum og einn helsti fordómur minn er sá að vera haldin fordómum gagnvart fordómum. Hehe, talandi um fordóma, varð sjálf fyrir fordómum í röðinni fyrir utan ölstofuna á laugardaginn. Þar var einhver gosi sem fór að tala við mig eftir að ég hafði sagt við dyravörðinn "hvar er lýðræðið" þegar VIP gestirnir tóku að streyma inn og við "thenobodies" vorum komin með kul á alvarlegu stigi. Hann fór þá að vera með stæla við mig og ég hafði bara gaman af því að stuða hann því þetta var svona heittrúaður sjálfstæðismaður sem sækir samkomur reglulega og tilbiður George Bush og eins og allir vita þá er svona fólk alveg rosalega viðkvæmt fyrir því að allir séu ekki sama sinnis og þau, svoldið eins og vottar jehova on your doorsteps. Hann endaði síðan á því að segja við mig "ertu með loðhúfu svo þú getir haldið geðveikinni inni" Og á þessum tímapunkti voru fleiri í röðinni farnir að taka eftir þessum samræðum og fólk gat nú ekki annað en hlegið að þessu flóni. Þetta er eiginlega með því furðulegasta sem nokkur hefur sagt við mig.

En hér með er ég líka búin að afhjúpa fordóma mína í þessari grein.
Hversu marga fordóma er að finna í þessari grein?

hmmmmmm. teljið nú.....

Geðveik undir húfunni?

judge for yourselves......

how' you doing?

2006-01-06T14:53:00.000-08:00

borðaði kengúru í dag.

Fer á listann yfir skrýtna hluti sem ég hef borðað eða séð eða dreymt.

Gata ársins

2006-01-04T12:26:00.000-08:00

hún er gömul, hún er kósý, hún er í hversdagsfúnkístíl, hún er stutt, hún er stutt frá hlemmi, hún er stutt frá draumnum, hún er gróðursæl, hún er samhverf, hún er hrá, hún er grá, hún er hávaðasöm, hún er lifandi, hún á vífil sem labbar fram og til baka.

í henni búa foreldrar, pör, einstæðingar, gamlingjar, rónar,útlendingar, brjálæðingar, þjófar, englar, börn en aðallega kettir.

2006 baby yeahh!

2006-01-02T14:36:00.000-08:00

jæja þá er komið nýtt ár sem kallast 2006. Þessi ártöl eru alltaf að verða vísindaskáldsögulegri. Hvar eru flugbílarnir og tímaferðalögin? Það er ekki frá því að mar verði fyrir hálfgerðum vonbrigðum yfir þessum tímum sem áttu að vera svo tæknilegir en eru eiginlega bara alveg eins og þeir voru fyrir tuttugu árum, nema fyrir utan internetið, gemsao g tónpottana (ipod). Ég hélt ég myndi geta skotist til tunglsins í sumarfrí eða farið í gegnum ormagöng inní framtíðina. Svo hélt ég líka að við yrðum búin að uppgötva líf á öðrum hnöttum því let´s face it "we are not alone" og þá tel ég ekki með pöddurnar sem þeir fundu á mars!

Ég var bara stillt á gamlárskveldi, við fórum í veislu til pabba og Helgu og þar var sko svaka stemming og stuð. Fékk rosalegan drykk sem Val (mamma hans James) bjó til, írskt eggjapúns held ég og eftir eitt lítið glas þá dofnaði á mér handleggurinn. Ákvað að drekka ekki meira eftir það því ég átti að mæta í vinnu um morguninn :) Þetta var því rólegasta gamlárskvöld í mörg ár hjá mér. En ég þarf endilega að fá uppskriftina af þessu eggjapúnsi :)

Skemmtanaglöðu nágrannarnir okkar héldu partý í garðinum alla nóttina og sprengdu nokkrar bombur svona til að vekja örugglega þessar fáu hræður sem dirfðust að reyna að sofa. Og þegar ég fór í vinnuna kl átta þá var ennþá svaka stuð hjá þeim. Þessi ungmenni nú til dags! huhh sveijattann og súrmeti.

Sprengjum bara árið 2005 í tætlur gæti hafa verið markmiðið hjá okkur íslendingum þessi áramót og það er gott og blessað svo framalega sem við sprengjum okkur ekki í tætlur. Ég er annars búin að sprengja mig af mat og ætla að vera dugleg í ræktinni sem er by the way EKKI ÁRAMÓTAHEIT í fyrsta skipti í mörg ár. Ákvað að prófa að sleppa áramótaheitum í ár og sjá hvort að ég verði duglegri. Held nebbnilega að þessi heit séu oftar en ekki bölvun. Man ekki eftir fólki sem hefur haldið sín áramótaheit. Held samt að ég hafi hugsað heitið svona óvart, telst það með eða þarf mar að opinbera heitið til að það standi? úff þessi áramótaheitalög eru svo flókin.

Jæja best að skella sér í ormagöng svefnsins.

2005-12-30T15:36:00.000-08:00

Gle�ilegar sprengingar :)

Með kjöteitrun milli jóla og nýjárs og einhverfa hornið

2005-12-28T08:57:00.000-08:00

Ég held ég sé komin með alvarlega kjöteitrun. Finnst ég lykta eins og reykt svínakjöt, grænar baunir og rauðkál. Held ég sé farin að pissa malti og appelsíni. Líður ykkur svona líka?
Mikið rosalega er ég fegin að fá kalkún um áramótin.

Æji hvað það er gott að þessi hátíðarhöld eru að líða undir lok, einhvern vegin þráir mar hið hversdagslega líf þegar öllu er á botninn hvolft. Ef að alla daga væru jól þá myndi siðmenningin fljótlega líða undir lok því við lægjum öll heima hjá okkur með kjöteitrun og bjúg og hlustuðum á jólahjól þangað til við yrðum geðveik. Breytumst í jólazombies.

En áramótin eru eftir, ég verð að vinna á gamlársdag og nýjarsdag þannig að það verður ekkert skrall á mér. Ég man nú samt ekki eftir að hafa skemmt mér á galeiðunni á gamlárs, alltaf troðið og allir hálf brjálaðir eitthvað að kveðja gamla árið og ÞAÐ Á SKO ALDEILIS AÐ SLETTA ÚR KLAUFUNUM! En í staðin snýst þetta um að fá leigubíl sem tekur hátt í tvo tíma og kostar á við kú og svo tekur laugarvegslöng biðröð fyrir framan troðfullan skemmtistað þar sem allir eru pirraðir af því að kvöldið er að verða búið og engin ævintýri í sjónmáli nema að finna leigubíl aftur heim. Hehehe, ég hljóma eins og grumpy old man...
Okei ég játa, ég öfunda ykkkur öll sem eruð í fríi!!!!!!!

Ég er rosalegt áramótabarn, miklu meira aksjón á áramótunum heldur en á jólunum. Ég dýrka brjálæðið í okkur íslendingum þegar við skjótum flugeldum eins og geðsjúklingar sem gleymdu að taka lyfin sín og bara fríka út! Svo er svo gaman að pæla í árinu sem er að líða og hvað mar gerði og gerði ekki og bara skoða sig svolítið að innan, hefur eitthvað breyst? Áramótin eru svona tími sem fær okkur til að horfa til baka og rýna eins og jákvæður gagnrýnandi yfir mánuði, vikur og daga og gefa 4 stjörnur eða hauskúpu ef svo er í pottinn búið :S

Ég ætla að gefa mér 4 stjörnur fyrir þetta ár :)

ÁRIÐ Í HNOTSKURN (einhverfa hornið):

-tók þátt í uppfærslunni á apótekaranum, sólóistahópurinn fimm frekar flekaðar eyddu ómældum tíma baksviðis í íslensku óperunni og skutumst einstaka sinnum upp til að færa fleka og syngja kvennabúrskonusöngva.
-Varð gömul og keypti mér gullskó í tilefni þess og hélt veislu í litlu vífilsgötunni þar sem allir voru svo æði og sátu og stóðu þétt í 40 fermetrum með bjór í einni og jalapeno bollur í hinni og ég sveif um í bleikum bol með hamingjuglott í framan eins og tilheyrir ellinni.
-lærði fullt fullt af tónlist og lærði að meta klassík og táraðist yfir fullt fullt af gömlum meisturum og nýjum.
-Hef aldrei farið á jafn mikið af tónleikum og á þessu ári. Sá nokkra af mínum uppáhalds tónlistarmönnum, blonde readhead, cat power, sonic youth ofl.
-lærði að meta það sem mér var gefið í vöggugjöf.
-Hætti að vinna á meltingadeildinni og gaf þar frá mér titlinum "miss meltingadeild". Lærði mjög margt um meltinguna, hjartað, hjúkkur, lækna og móttökuritara. Held að orðið polypectomia muni ávalt lifa innra með mér ;)
-Sá bókmenntaljósið og gerðist nemi í næstum því mánuð, tek það fram að ég lærði ekki mikið og get ekki talist sérstaklega fróð um bókmenntir eftir þennan mánuð.
-Varð kannski þess valdandi að ákveðinn aðilli var rekin fyrir vinnu sína sem var til skammar og hafði valdið mér martröðum. Jeij draumar mínir eru lausir við "steininn"
-Óendalaust mikið af góðum og hlýjum stundum með fjölskyldu og vinum. Þið haldið í mér lífinu!
-Fullt fullt af kaffibollum og kjaftagangi á kaffihúsum (og stundum með því) með Ester
-Bullukollustundir með Ellu systir, er ennþá að hlægja að brandaranum í kirkjunni ;)
-Að sjá Dagný með litla fallega strákinn sinn í faðmi
-Endurheimti æskuvinkonu mína eftir asnalegasta rifrildi ársins.
-Eldhússtundir með ömmu og pólitík með afa.
-Stuðningur og bros frá öllum mömmunum og pöbbunum, það er ekkert slor að eiga svona marga að ;)
-Hætti að skrifa í rauða dagbók og fór að skirfa á veraldarvefinn svokallað blogg.
-byrjaði að hreyfa mig og hugsa betur um hvað fer ofan í musterið.
-fengum okkur nýjan bíl og drápum gömlu toyotuna. kransar afþakkaðir.
-Davíð Oddsson hætti í pólitík mér til mikillar ánægju. Nú þurfum við bara að losa okkur við Dóra muahhaaha....
-Bolla dó. Blessuð sé mjúk minning hennar.
-söng á ættarmóti og lærði að meta gömul gul tjöld.
-doddi og stína sitting on a tree k i s s i n g :)
-fékk straujárn í jólagjöf.

The shopping must go on

2005-12-20T19:02:00.000-08:00

Henry bóndi með risatómatinn sinn.

Hin árlega "jólaflensa" er farin að gera vart við sig. Og akkúrat þegar ég var komin í frí. Þessar flensur kunna að hreiðra um sig á bestu tímum. Ég svaf í 16 tíma og dreymdi risa tómata á túni, svona eins og heybagga útum allt, klifraði uppá einn og rúllaði mér útum allt eða þangað til hann sprakk og ég lenti í heljarinnar tómata blóðbaði. Svo sagði þórður mér að það hefði verið gerð bíómynd um svipað eða "the attack of the killer tomatos". Veit ekki kannski var hann að djóka í mér?

Afneitaði flensunni í dag og skellti mér í kringluna svona til að fá the spirit of christmas beint í æð. Þar var allt að verða vitlaust og ringulreiðin skein úr
andlitunum á hverju mannsbarni og allir voru á síðasta snúningi jafnvel þó að það lokaði ekki fyrr en tíu og jólin ekki fyrr en eftir 4 daga og ég gæti trúað því að búðir verði opnar allan sólarhringinn til að anna eftirspurn, mar getur nú ekki stoppað fólk sem vill kaupa? The shopping must go on!
Ég var sem betur fer með lista í fyrsta skipti á ævi minni þökk sé þórði. Og kannski er eitthvað til í svona listum því við slóum jólainnkaupamet! Gekk svona líka hratt fyrir sig. Kannski ég fari að innleiða svona listamenningu í líf mitt?

Ég sá kápu lífs míns í spútnik í dag. Mátaði hana og það vantar aðeins uppá að hún passi en hún hrópaði hástöfum á mig svo græn og græn "kauptu mig af því að ég er kápa lífs þíns" og hver getur sagt nei við kápu lífs síns? Allavega ekki ég. Lét taka hana frá og hún bíður spennt eftir að ég komi og kaupi sig þessi elska. Alveg geislandi græn. Þarf síðan bara að reyna að passa í hana en það er aukaatriði.

ég sá xxxxxx kyssa jólasvein

2005-12-14T05:20:00.000-08:00

Ég vildi sko ekki að alla daga væru jól......

þroskamerki eða bara öldrunarmerki? Heyrði skúbb um að sveinki væri byrjaður að deita dorrit mússajeff...sé for your self...

...............Sel það ekki dýrara en ég keypti það í Hér og Nú.................

gleðilegan þriðja í aðventu!!

2005-12-11T14:49:00.000-08:00

svona líður sumum þegar aðeins tvær vikur eru í jólin....

....guði sé lof fyrir launahækkunina.....

I´m a Buddah baby so why don't you kill me...

2005-12-08T09:59:00.000-08:00

Það elska greinilega allir að hata Jónínu Ben. Hvort sem það eru ungir sem aldnir. Þátturinn með Sirrý í gær hélt lífinu í samræðunum í vinnunni í dag, allir höfðu einhverjar sögur að segja af Jónínu, níræð kona hafði meira að segja nokkrar sögur að segja um hana. Æji nennum við þessu virkilega? Mér er svo nákvæmlega sama hvernig þessi kona hefur efni á íbúðinni sinni og bílnum og pelsinum og af hverju hún klæðist ekki nærfötum. En ég ætla að viðurkenna það að ég hef slúðrað um hana líka og jafnvel gert grín að henni á blogginu mínu, jafnvel þó ég telji mig nú alveg glataða slúðurkellingu og frétti alltaf allt síðust allra þá er eitthvað svo auðvelt að slúðra um Jónínu. Hún liggur svo vel við höggi. Spurning um að vera ekki að gefa færi á sér? Það var nú hún sem sagði okkur að barbie væri dauð. Hvar værum við annars? Ennþá að taka þátt í fegurðarsamkeppnum?

Jæja, ég söng á tónleikum í skólanum á þriðjudaginn og það gekk bara rosalega vel. Ég var alveg að gera á mig af stressi og þornaði öll upp í munninum áður en ég steig á svið en um leið og ég var komin á sviðið og búin að stilla mér prímadonnulega við flygilinn og líta á hana Krystynu og horfa útí salinn á allt fólkið mitt sem kom að sjá mig þá leið mér bara ansi vel og naut þess bara að syngja. Held reyndar að ég hafi bætt við auka töktum í byrjun á einu laginu en það var bara flott hehe :) Og það sem var merkilegast var að ég stóð kyrr!! Ég náði loksins og örugglega í fyrsta skipti að standa í fæturnar án þess að iða eða fá einhverjar ósjálfráðar hreyfingar í handlegginn! Jebbs mér fer fram. Ég átti nú ekki von á því að ég myndi nokkurn tímann ná tengslum við Zen Búddistann í mér ;)
Og hér með mun ég ekki hreyfa mig framar, er alveg viss um að það þurfi átak til að fá mig á hreyfingu aftur....

En nú styttist í hátíð ljóss of friðar eða réttara sagt hátíð vísa og Euro. Ég er alltaf á síðustu stundu með að kaupa jólagjafir og það er komin mjög svo stressandi hefð að kaupa allar gjafir rétt fyrir lokun á þorláksmessu og klára restina fyrir hádegi á aðfangadag. Það er vandlifað í þessum heimi. Ég mun seint breytast í A-týpu og rumpa þessu af tímanlega. Im gonna do it in a B-type style!

Ég er sko ekki búdda fyrir ekki neitt!

Gemsalingar og aðrir gemlingar

2005-12-02T12:58:00.000-08:00

Síminn er þarfasti þjónn mannsins í dag og það eru engin takmörk fyrir því í hvaða aðstæðum fólk svarar símanum. Ég hef svoldið velt þessu fyrir mér af því að ég er ennþá svo gamaldags að ganga ekki alltaf með síma á mér, fólki í kringum mig til mikillar mæðu. Ég ætla að telja upp þær aðstæður sem ég hef verið í þegar fólk svarar í gemsalinginn sinn..

-Hjá lækni (já, ekkert meira skemmtilegt en að vera hjá lækni að ræða viðkvæm mál þegar dúdúdúrúrdúdurúrdú og "hæ elskan, hvað segirðu, já ég kem heim svona um fimmleytið)

-í söngtíma (ég fyrirgef sönkennara mínum allt þannig að ég kippi mér ekkert upp við þetta og syng bara hástöfum á meðan hún er í símanum)

-Inná baðherbergi hjá gömlum manni sem er að gera númer tvö (þetta fannst mér nú algjörlega fyrir neðan beltisstað, aðillinn sem var með mér að aðstoða manninn er með síma í vasanum og þeir eiga það til að hringja og til að toppa það þá svarar hann! Ætla allavega að vona að þegar ég verð orðin gömul og get ekki gengið erna minna án aðstoðar að það verði ekki búið að græða síma í heilann á starfsfólkinu.

Hafið þið orðið fyrir svipaðri reynslu? Er einhver þarna úti sem lumar á góðri gemsasögu?
Endilega tjáið ykkur. Verð að hætta því síminn er að hringja!!!!!!!!!!!!!!!!!!!!!!!!!!!!

karl og kerling í koti sínu

2005-11-29T16:35:00.000-08:00

Langi-mangi, Mozart og Grieg?

2005-11-28T13:27:00.000-08:00

Éta mat, éta mat, éta lon og don, sagð'ann langi mangi langi mangi langi mangi langi mangi langi mangi svangamanga son.

The theme song of this weekend. Hitti einmitt hann Langa-Manga og hann söng þetta fyrir mig þegar ég var nýbúin að tæta í mig jólahlaðborðið á Borginni. Úff.

Var emmmet að fá herbalife inn um lúguna hjá mér og á eftir að ná 3 kg. af mér fyrir jól og þá hef ég náð 7 kg. takmarkinu mínu! jeij....Langi-Mangi hvað syngur þú þá anorexian þín?

Þarf að vera rosalega dugleg að æfa lögin mín þessa viku því tónleikarnir eru 6.des og ég er ennþá að hiksta útúr mér lögunum. Ætla að syngja Millom Rosor eftir Grieg og Als Luise die Briefe ihres ungetrauen liebhabers verbrannte eftir Mozart og Hjá lygnri móðu eftir einhvern íslending við texta Halldórs Laxness. Eggi gott prógramm hjá kerlu?
Væri nú samt ekki gaman að heyra mig syngja lagið hérna að ofan, kemur örugglega vel út í óperu útsetningu....Svo get ég verið með harðfisk um hálsinn og nartað í hann á milli laga! Bara prófessional...

HormónaMormónarSkormónar

2005-11-21T15:11:00.000-08:00

Ég er búin að þjást af bloggleti uppá síðkastið. Fékk reyndar smá útrás hérna í síðasta bloggi og held að ég geti afsakað mig með því að ég fékk ákveðna "frænku" í heimsókn....Hormónar mormónar......En allavega einstaklega sæt mynd af mér.....Ég myndast eikkað svo vel þegar ég er á túr.....það er eitthvað tengt rakadrægninni...

daddaraddara, ég er að breytast í svona nöldursegg, þarf rosalega mikið að kvarta og kveina undan öllu sem gerist eða gerist ekki, held að ég sé að verða gömul á ljóshraða. Í dag var ég næstum því búin að taka áskorun um að verða ólétt, það er sko hægt að mana mig í allann andskotann......helv..keppniskap....

En ég ætla frekar að fara í heimsókn til Dagnýjar og fá að dúlla við litla prinsinn sem fæddist fyrir tæplega viku síðan. Ohh hvað hann er sætur og Dagný er eins og hún hafi aldrei gert neitt annað en að vera móðir :) Til hamingju Dagný og Jorge!!!

Hér eru myndir af prinsinum
http://jorgeislandia.blogspirit.com/album/nuevas_fotos/page1/

Háspenna/lífshætta

2005-11-18T16:23:00.000-08:00

aaaaaaaaaaaaaaaaaaaahhhhhhhhhhhhhhhhhh....................

Svona eru sumir dagar. Já viljiði ekki bara keyra yfir mig og henda hræinu af mér útí vegakannt og láta það rotna hægt og hljótt og leyfa fuglum með fuglaflensu að plokka í mig af og til?

Þetta hljómar nú svoldið eins og nýtt lag með sálinni?!

yebb that's me.....

2005-11-13T15:53:00.000-08:00

Partítröll

Þú ert nýjungagjörn, tilfinningarík félagsvera.

Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.

Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.

Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.

Hvaða tröll ert þú?

Að vera eða ekki vera fátæk/ur

2005-11-09T17:24:00.000-08:00

Ég held ég sé orðin snillingur í því að lifa á sem fæstum krónum síðustu mánuði. Er alltaf fátæk, samt ekkert að svelta ef þið voruð að velta því fyrir ykkur.

Topp 10 í því að lifa mánuðinn af

1. Verslaðu alltaf í Bónus, það er algjörlega skilyrði fyrir því að geta borðað í öll mál. Ein heimsókn í 10/11 og blessuð börnin fá ekki vott né þurrt síðustu daga mánaðarins.

2. Fáðu þér hraðbankakort, þá geturðu fylgst með því hvað þú átt mikið inná bókinni og sérð að það sem þú tekur út úr bankanum kemur ekki svo auðveldlega aftur.

3. Farðu í sítrónuvatnskúrinn, en gallinn við hann er að þú getur ekkert unnið því þú ert svo máttlaus og færð því ekkert útborgað næsta mánuð og þú missir svo mikið af kílóum að fötin þín passa ekki lengur á þig og þú hefur sko alls ekki efni á því að kaupa þér föt.

4. Farðu alltaf í heimsóknir til vina og ættingja á matartímum og púllar "ji, eruði að fara að borða ég ætlaði nú ekkert að trufla ykkur" og í lang flestum tilvikum þá er settur fram aukadiskur eða diskar og þú getur skóflað í þig frítt. Versta við þetta er að til lengdar verður fólk mjög þreytt á þér.

5.Alls ekki eignast maka, börn eða gæludýr. Þau eru öll dýr í rekstri.

6.Ef þú ert svo óheppin að eiga börn þá geturðu farið með þau niðrá tjörn og látið þau hoppa útí eftir brauðmolum. Þau hafa bara gott af því að slást við endur og svani og svamla í skít.

7.Farðu í DV og segðu að þú sért einstæð móðir og búir í bílnum með börnin og að þú hafir lent í einelti í æsku og hafir ekki efni á því að kaupa rítalín handa krökkunum. DV hrindir af stað söfnun handa þér og þú hefur uppúr því ca. 5000 kr.

8.Reyndu að vingast við Jónínu Ben og læra af henni nokkur trix.

9.Drekktu leifar úr bjórglösum á skemmtistöðum eða rændu "óvart" af vinum þínum. Það ætti enginn að þurfa að borga fyrir bjórinn.

10. Bjóddu Kára Stefánsyni að nota líkama þinn í rannsóknir af öllu tagi gegn vægu gjaldi. Endar líklega sem öryrki eftir það allt saman og ferð á öryrkjabætur og þá fyrst þarftu að fara að spara!

Það er ekki sama hvar hörmungar dynja yfir....

2005-11-05T06:26:00.000-08:00

Hvað varð um samhjálpina? Við missum vitið ef hörmungar dynja yfir á vesturlöndum og ríkistjórnin dældi held ég 2 milljónir dollara þegar Fellibylur gekk yfir New Orleans en hvað gerum við þegar jarðskjálfti ríður yfir Pakistan með miklu meira mannfalli og hörmungum? Ekki neitt. Ég er orðin þreytt á því að við metum líf fólks ekki jafnt. Og það ógeðslegasta sem ég hef heyrt í sambandi við jarðskjálftann í Pakistan, sú umræða kom víst upp í Bandaríkjunum stuttu eftir skjálftann,"Hversu margir al qaieda menn létu lífið?"

Og hvað eiga mörg börn eftir að láta lífið nú þegar veturinn gengur í garð og fólk hírist í tjöldum?
http://mbl.is/mm/frettir/erlent/frett.html?nid=1167257

góði guð gef mér hærri yfirdrátt!

2005-11-01T07:04:00.000-08:00

Ég er í fríi núna þangað til á föstudaginn í vinnunni. Er samt að drukkna í hljómfræði og tónfræðiverkefnum sem hlaðast upp eins og tónskrattar á stofuborðinu mínu. Horfi á staflann svona annað slagið og fer þá oft að geispa af óskiljanlegum orsökum. Þarf að tónskrattast í þetta. Er samt svo mikil tarna manneskja og ég vinn best ef ég er á síðasta snúningi, hef ennþá ca mánuð til að klífa þetta fjall. Ég get allavega sagt að ég hafi verið blessuð í gær, presturinn sem heldur bænastund í vinnunni fyrir vistmenn bað mig að hjálpa sér og syngja því konan sem syngur með henni var veik. Það er á svona stundum sem ég vildi óska þess að ég væri ekki í söngnámi. En ljúflingurinn sem ég er gat ekki neitað presti um að syngja fyrir blessaða gamlingjana. Er ekki frá því að ég sé meira í náðinni hjá frú guði, væri helst til í feitt launaumslag í þakkabót, takk fyrir. Sem er ólíklegt. Góði guð gefðu mér hærri yfirdrátt! Svona verður maður þegar mar eldist, þegar ég var lítil þá bað ég guð að passa alla sem ég þekkti en núna bið ég um peninga, allt þessum yfirdrætti að kenna, ég kenni bönkunum um þetta allt saman þeir ala á græðginni í okkur til að græða sem mest. En ég bað svo mikið til guðs um góða hluti þegar ég var lítil að ég held ég sé búin með kvótann, sagði að ég væri tarnamanneskja!

Must read

2005-10-21T06:02:00.000-07:00

þetta verðiði barasta að lesa! Þetta er snilld. Doktor Gunni fær dularfullt bréf um að hjálpa krökkum með Down sindrome og....

www.this.is/drgunni

.

2005-10-19T16:09:00.000-07:00

Hafiði heyrt um hundinn sem verður vitlaus þegar hann heyrir í hljómsveitinni Sigurrós? Ég verð nú reyndar ekkert brjáluð, þannig lagað, þegar ég hlusta á þá og fannst ágætis byrjun mjög góð en svo veit ég ekki alveg hvað málið er með nýju plötuna þeirra. Ó mæ, skil vel að hundurinn hafi ekki smekk fyrir "krúttlegum álfum á róandi" kænd of músikk, ég hef það ekki en þessi plata sem heitir Takk fær góða dóma útum allt. Spurning um það hvort mar á að taka mark á hundinum eða gagnrýnendum?

Ég er byrjuð að vinna á Hrafnistu með skólanum. Það er bara rosa fínt og gefandi. Ég er svona ennþá að átta mig á því hvaða vistmenn eru útúr heiminum og hverjir ekki og svona, það getur verið erfitt að átta sig á þessu fólki, sumir líta bara út eins og þau viti sínu viti og mar fer að ræða málin og fattar að það er ekki heil brú í neinu sem þau segja, ég er reyndar voðalega lengi að átta mig á þessu, hef ekki hæfileikan á að sjá hvaða fólk er ruglað og hvaða fólk er normal, finnst þetta allt sami pakkinn. Mér finnst svo æðislegt hvað er margt í boði fyrir vistmennina, konurnar eru með "kvennafund" í hverri viku og drekka sherrý og ég veit ekki hvað.
Væri ekki fínt að hafa hasspípur í hverju herbergi og orgíur á sunnudögum? Pannt ekki vera á þeirri vakt!

ælulegt haust og syngjandi atóm

2005-10-11T20:27:00.000-07:00

Ég veit ekki hvernig ég get lýst því hvernig bíllinn okkar var útlítandi í gær. Það fyrsta sem mér datt í hug var að einhver hefði ælt yfir hann frá öllum hliðum en svo þegar ég kom nær þá sá ég að hann var allur útataður í klesstum,rauðum, berjum af trjánnum fyrir ofan hann. Þetta segir manni að það er komið haust. Ælulitirnir allsráðandi..

Söng af fullum krafti í 2 og hálfan tíma samfleytt í dag. Ég fékk að kenna á því hvað ég er iðandi þegar ég syng. Er svo frumstæð að þegar ég syng og fer hátt upp þá lyfti ég mér alltaf uppá tærnar og svo rugga ég og vagga og Elísabet hefur margoft sagt við mig að hún verði sjóveik á að horfa á mig. Finnst að söngkennarar ættu að vera á hærri launum. Í klassískum söng þá áttu að ímynda þér að þú sért tré með ræturnar í jörðinni en ég held að þetta blessaða sjómannablóð sem rennur í æðum mér sé ástæðan. Ég er allavega ekkert tré!
Ég veit að ég verð að venja mig af þessu því þetta skemmir víst bara fyrir og enginn vill verða sjóveikur á því að fara á tónleika. Og í dag var eiginlega í fyrsta skipti sem mér hefur verið sagt að ég sé fölsk og það var algjörlega út af þessu vagg, vagg og veltu dæmi.

Það er komin tími til að henda niður akkerunum og reka skipstjórann og segja honum að fara að gróðursetja tré í staðinn!

Vorum að horfa á mjög svo athyglisverða heimildarmynd um "Skammtafræði", "What The Bleep do We Know" heitir hún. Þetta er eðlisfræði sem kom fram á svipuðum tíma og afstæðiskenning Einsteins held ég en fékk féll í skuggann og þetta hefur verið að ryðja sér meira og meira til rúms. Ji, held ég hafi bara orðið fyrir uppljómun. Það var margt skrýtið sem kom fram og ég er engin eðlisfræðingur og ætla ekki að uppljóstra þekkingarleysi mitt um atóm, nifteindir og rafeindir og breyta því í óeðlisfræði, mæli me ð því að þið horfið á þessa mynd. Það hefur þróast einhvers konar heimspeki í kringum þetta og byggist mikið á því hvernig atóm hegða sér. Þetta er eðlisfræði sem kemur inná manninn, tilfinningar hans og hugsanir.

Nú vona ég að minn eðlisfræðilegi svefn fari að gera vart við sig, kannski ætti ég að reyna að telja atómin í kringum mig? Það ætti að þreyta mig.....

Afmæliskveðja

2005-10-10T11:03:00.000-07:00

Til hamingju með afmælið ástin mín!

Þú ert bestastur og flottastur og góðastur og fallegastur.

Ég væri ekki heil án þín
þú átt mitt hjarta.

Þín Kristín Erla

Breimandi konur og kettir

2005-10-07T04:16:00.000-07:00

Erum búin að vera ofsótt af kisu sem er að breima. Hún fer alltaf inn um gluggan á þvottahúsinu og krafsar í dyrnar hjá okkur, breimandi. Fáum reyndar oft óboðna gesti í gegnum þvottahús gluggan, þ.e.a. s. ketti. Og miðað við að það er köttur í hverju húsi hérna þá er það kannski ekki svo skrýtið. En plís kisur sem lesið þetta blogg og eruð að breima, haldið ykkur heima!
Kannski að þvottahúsið okkar sé orðið einhvers konar kisuhóruhús?

11 dagar liðnir í "smátakinu" og ég er ennþá jafn mikilfengleg og áður. Það er ekkert verra en að vita að þú ert að standa þig en engin árangur sést, fer og sprikla á hverjum degi og drekk eitthvað sull allan daginn. Ég vil reyndar sjá árangur sama dag en það er ekki raunhæft hefur mér verið sagt. Þetta er kannski ekkert smátak?

Kalla þetta átak héðan í frá....

Og talandi um breim, ég missti af eðalþættinum Bachelorinn í gær. Og hvað er málið með að skýra þáttinn bachelorinn? Finnst það fáránlega hallærislegt. Mér hefði fundist flottara að nota hið íslenska orð piparsveinninn. Það er bara retro sko. En ég hlakka til að finna kjánahrollinn hríslast um mig við að horfa á þetta. Er bara svo hissa á að það fáist fólk í svona þátt í svona litlu landi. Þessar stelpur eiga eftir að lenda þvílíkt á milli tannana á fólki, ætli þetta verði svona catty eins og í bandarísku útgáfunni? Það er alltaf ein sem engin þolir og allar eru að baktala. Kannski er þetta einhvers konar statistic, ef 1o konur koma saman þá er ein sem er óþolandi? Veit það ekki alveg en ég held það sé orðin svo gömul lumma að konur séu konum verstar. Mér finnst það í raun fáránleg staðhæfing og sögð til þess að réttlæta tíkarskap einstaka kvenna sem setja svartan blett á okkur hinar sem eru ljúfar sem lömb. Hehehe.

Þórður fékk miða á leikritið Himnaríki eftir Árna Ibsen. Förum á morgun. Ég fór einmitt á þetta leikrit fyrir 10 árum síðan og fannst það frábært. Mjög eftirminnanlegt. Það verður gaman að sjá hvort smekkur minn hafi breyst eitthvað á 10 árum.

Krufning 101

2005-10-04T15:05:00.000-07:00

jæja, ræktunin er í fullum gangi hjá mér þessa dagana. Er í ræktun eins og planta, nema í staðinn fyrir að vilja vaxa og dafna þá vil ég minnka. Jebbs svona getur lífið verið flókið.

Og talandi um lífið þá downloadaði ég einhverju sem heitir anatomy for beginners, er svoldið veik fyrir svona heimildarmyndum um gang lífsins og allt það. En við mér blasti skelfileg sjón þegar ég fór að horfa á þáttinn því það var verið að kryfja lík, algjörlega farið í gegnum allan líkamann. Verð að viðurkenna að þó að ég hafi ágætis ógeðisþol þá var þetta aðeins of stór biti að kyngja. Það var virkilega óþægilegt að horfa á þetta og ég veit vel að ég hefði getað slökkt á þessu og deletað en ég horfði á þessa krufningu hálf dáleidd. Hef ekki getað hætt að hugsa um þetta og held ég hafi orðið fyrir minniháttar sjokki, eða þannig lagað, var ekki að búast við þessu þó titillinn hafi sterklega gefið það til kynna. Auðvitað er þetta bara líkaminn og við erum öll eins inn við beinið og undir húð og vöðvum og er eitthvað ógeðslegra að horfa á hjartað, lungun og ristilinn en andlit, brjóst og maga? Eiginlega!

Það er ekki að ástæðu lausu að innyflin eru inní okkur en ekki hangandi utan á okkur.

Draumur um svefn

2005-10-01T03:38:00.000-07:00

Ég veit ekki hvað er að mér þessa dagana en ég á rosalega erfitt með að sofa. Jafnvel þó ég rétti úr kútnum með því að halda mér vakandi í sólarhring þá næ ég ekki að sofa nema í örfáa tíma í einu. Skil þetta ekki og ég sakna þess að sofa þungum svefni og vakna þyrst í meiri svefn.

Samt ef maður pælir í því þá eyðir manneskjan stórum hluta ævi sinnar sofandi og eins og ég er mikil áhugamanneskja um drauma þá finnst mér það mjög heppilegt að okkur dreymi því annars væri ansi leiðinlegt til lengdar að sofa, ekkert að gerast í heilabúinu, bara svart tómarúm. Bara sofi sofi sof. Það þarf svo lítið til að gleðja mig og fer ég því stundum spennt að sofa því mar veit aldrei hvað draumar bera í skauti sér. Ætli dýr dreymi?

Ég var að koma úr Baðhúsinu, hélt kannski að púlið myndi gera mig þreytta en neibb, kerlan er enn í vökuástandi og þjáist allavega ekki af drómasýki þó hún sé draumasjúk.....

Ég er komin í kór sem ég veit ekki hvað heitir, rámar í Vortex eitthvað en það er aukaatriði. Fyrst ég get ekki sofið þá er eins gott að finna sér eitthvað til að bralla. Kannski geng ég í sirkus í leiðinni, get verið "svefnlausa konan", en það var nú draumur minn sem barn að vera í sirkus, hélt að það hlyti að vera skemmtilegasta starf í heimi fyrir utan náttlega að eiga pulsuvagn og breiða út pulsufagnaðarerindið. Gott ef Guðni Ágústsson og ég yrðum ekki "match made in heaven" :S

Ég er víst í átaki þessa dagana eins og restin af þjóðinni, komin á herbalife og búin að vera svöng í 5 daga horfði á þórð í gær borða tvö súkkulaði stykki og laug að sjálfri mér og honum að mig langaði ekkert í og að súkkulaði væri afkvæmi djöfulsins en innst inní mér kölluðu fíklagenin í einum kór "við viljum súkkulaði", give it to us, mæ pressjöss.
Ég held að besta leiðin til að vera í megrun er að stunda smá sjálfsblekkingar, eins og að segja hátt og skýrt "mér finnst kók ógeðslegt og franskar eru verri en hundskítur á bragðið og súkkulaði er í raun rækjur í dulargervi". Ef ég ímynda mér að óhollur matur sé í raun af rækjukyni þá virkar það á mig.
Nema innst inni veit ég að það er ekkert satt.
Palli er sko ekki alveg einn í heiminum.....